«Гэта вялікі крок. Мы павінна адэкватна яго ацаніць і скарэктаваць нашу палітыку адносна Беларусі», — сказаў ён.
На пытаньне, ці павінен Эўразьвяз адмяніць або зьмякчыць санкцыі адносна Менску, Лінкявічус адказаў так: «Па гэтым аспэкце мы таксама павінны правесьці перамовы. Я не хачу забягаць наперад падзей, мы павінны кансультавацца, і гэта падстава для перагляду».
Мікалай Статкевіч, Мікалай Дзядок, Ігар Аліневіч, Яўген Васьковіч, Арцём Пракапенка і Юрый Рубцоў былі вызваленыя з турмаў 22 жніўня. Указ аб іх памілаваньні «паводле прынцыпу гуманізму» падпісаў Аляксандар Лукашэнка.
