80 тонаў сьмецьця ў месяц сартуюць уручную супрацоўнікі прыватнага каапэратыву ў ваколіцах Сан-Паўлу. Сьмецьце вывозяць з рынкаў і крамаў, зьбіраюць у мясцовых жыхароў, каб затым прадаць перапрацоўчым прадпрыемствам. У Бразыліі, у адрозьненьне ад заходніх краін, няма паўсюднай сыстэмы сартаваньня сьмецьця, калі плястыкавую бутэльку і старую газэту апускаюць ў розныя кантэйнэры.