Многія людзі маюць празьмерную цягу да салодкага. Прычыны гэтай зьявы могуць шырока вар’іравацца, але галоўныя зь іх — гарманальны дысбалянс (у прыватнасьці, гармонаў інсуліну і сэратаніну), нездаровыя дыеты і звычкі, перадмэнструальны сындром.
Як пазбавіцца ад гэтай цягі? Я прапаную вам шэраг стратэгій і трукаў. Вырашайце самі, што для вас найбольш актуальна.
1. Палепшыце вашу дыету ў цэлым
Ёсьць многа спосабаў зрабіць гэта; наступныя меры могуць дапамагчы вам паступова перамагчы цягу да салодкага:
- Ешце больш бялку. З усіх макраэлемэнтаў бялок насычае лепей за усё.
- Ешце часта і невялікімі порцыямі, каб мець стабільны ўзровень цукру ў крыві і ліквідаваць патрэбу вашага арганізму ў хуткіх крыніцах цукру. Пазьбягайце пропуску прыёму ежы.
- Увогуле, аддавайце перавагу комплексным вугляводам. Замена простых вугляводаў, такіх, як прысмакі і апрацаваныя харчовыя прадукты, вырабленыя зь белай мукі, на нерафінаваныя, цэльныя збожжавыя прадукты можа дапамагчы трымаць доўгатэрміновы кантроль як над узроўнем цукру ў крыві, так і над скачкамі энэргіі, і, адпаведна, зьнізіць патрэбу ў салодкім. Комплексныя вугляводы знойдзеце ў прадуктах з высокім утрыманьнем харчовага валакна: цэльным збожжы, бабах, сачавіцы, гароху, гародніне, арэхах, семках, пшанічным вотруб’і.
- На пачатку вашага шляху да рацыёну без (вялікай колькасьці) цукру прымайце штодзённа добры комплекс полівітамінаў і мінэралаў. Недахоп некаторых пажыўных рэчываў можа прывесьці да хранічнай прагі салодкага.
2. Чытайце этыкеткі
Вы можаце быць зьдзіўленыя, даведаўшыся, колькі цукру ўтрымліваецца ў вялікай колькасьці прадуктаў, якія вы ясьце. Веданьне ўтрыманьня цукру можа дапамагчы вам пазьбегнуць набыцьця прадуктаў з высокім яго ўзроўнем і такім чынам ускосна дапамагчы пазбавіцца ад цукровай залежнасьці.
3. Паспрабуйце весьці дзёньнік харчаваньня
Дзёньнік дапаможа вам аб’ектыўна паглядзець на вашу дыету і, магчыма, уразіць вас колькасьцю цукру, які вы спажываеце. Зараз ёсьць мноства мабільных аплікацый, якія палягчаюць працэс вядзеньня дзёньніка. На мой прафэсійны погляд, самая лепшая аплікацыя на сёньняшні дзень — My Fitness Pal. Аплікацыя бясплатная для андроідаў і айфонаў. Больш падрабязна пра аплікацыі — у гэтым артыкуле.
4. Ня ешце салодкае на сьняданак
Майце на ўвазе, што спажываньне салодкага з раніцы, як правіла, стымулюе цягу да салодкага на працягу ўсяго дня.
5. Замяніце прысмакі і цукар на салодкую садавіну
6. Пазьбягайце штучных падсалоджвальнікаў
Яны не ўтаймоўваюць цягу да цукру, і іх хранічнае спажываньне можа стаць фактарам рызыкі разьвіцьця захворваньняў, у прыватнасьці раку. Акрамя таго, падсалоджвальнікі часта выкарыстоўваюцца ў камбінацыі з узмацняльнікам смаку, які, у сваю чаргу, выклікае фізіялягічную залежнасьць ад прадуктаў, у якія ён дададзены.
7.Купляйце жуйку бяз цукру
У наступны раз, калі вы адчуеце цягу да салодкага, вазьміце ў рот жуйку. Дасьледаваньні паказваюць, што жуйка можа паменшыць спажываньне ласункаў.
8. Пазбаўцеся спакусаў
Пазбаўцеся ад салодкага ў хаце і на працоўным месцы. Калі вы ідзяце ў краму па прадукты, зрабіце сьвядомае намаганьне не купляць прысмакі.
9. Вытрымайце паўзу
Прага да салодкага прыходзіць і сыходзіць. Калі ў вас ёсьць жаданьне паесьці салодкага, скажыце сабе, што вы паясьцё, калі прага ня пройдзе праз 10 хвілін. Пачакайце. Майце на ўвазе, што большасьць эмацыйных пасылаў, у тым ліку харчовых, доўжацца ўсяго на працягу некалькіх хвілін. Таксама майце на ўвазе, што харчовая залежнасьць не адрозьніваецца ад нейкай іншай формы залежнасьці: пасьля першага кавалачка хочацца больш.
10. Пераключыце ўвагу!
Займіцеся нечым зусім іншым, што адцягне вас ад жаданьня паесьці. У ідэале — ідзіце на прагулку або займіцеся іншай фізычнай актыўнасьцю. Старайцеся пазьбягаць сядзеньня ў адзіноце і думаць пра вашыя жаданьні.
11. Пачысьціце зубы
У выпадку салодкага прыступу, прапалашчыце рот антысэптычным растворам або пачысьціце зубы. Спэцыфічны смак зубной пасты ня добра зьмешваецца з прысмакамі, і вы, верагодна, хутка страціце вашу цягу.
12. Піце ваду
У многіх людзей мэханізм прагі парушаны і яны часта блытаюць сыгналы прагі і голаду.
13. ПМС
Некаторыя жанчыны маюць выражаную цягу да салодкага за тыдзень або падчас мэнструацыі. Калі вы ведаеце, што ў вас ёсьць такая цяга ў пэўны час месяца, загадзя падрыхтуйцеся да гэтага пэрыяду: пазбаўцеся ад салодкіх ласункаў, назапасьце здаровыя. Калі ў вас назіраецца цяга менавіта да шакаляду, пераканайцеся, што вы атрымліваеце дастатковую колькасьць жалеза: у некаторых жанчын нізкі ўзровень гэтага элемэнта стымулюе цягу да шакаляду.
14. Перайдзіце на якасьць, а не на колькасьць
Зьешце кавалачак 85%-га цёмнага шакаляду замест малочнага шакаляднага батончыка.
15.Стаўце рэалістычныя мэты!
Вы не павінны цалкам выключыць прысмакі з вашага жыцьця. Проста пераканайцеся, што вы ўсталявалі разумныя межы.
