Юлія Сьцяпанава напісала ў сваім фэйсбуку пра выпадак, які здарыўся зь яе знаёмым, які працуе таксоўшчыкам:
«Леанід Кулакоў патэлефанаваў толькі што. Пасажыры (маладыя хлопец з дзяўчынай) адмовіліся аплачваць праезд у таксоўцы. Прычына- „БЧБ сьцяг у салёне таксоўкі“. Лёня адвёз маладых людзей у РУУС Фрунзенскага раёну.
Парачка пачала скардзіцца дзяжурнаму:
„Ды ў яго ж у салёне забаронены сьцяг! Разьбярыцеся!“ На што дзяжурны спакойна адказаў — „Кім забаронены?“ — „Законам!!!!!!“ — „Ды няма такога закону. Калі вам не падабаецца гэты сьцяг — навошта сядалі ў гэтую таксоўку?“ І прымусіў іх заплаціць за праезд.
Першы раз у жыцьці — Лёнька выйшаў задаволеным зь міліцыі!»
Post by Yulia Stepanova.
