Сьледам за расейскім рублём лясьне і беларускі — зашмат у Беларусі рублёвага экспарту і даляравага імпарту.
Час бегчы па рублёвыя крэдыты. Але ж у банкіраў сем’і, каханкі, дзяржаўныя сябры, і на ўсіх ня хопіць.
Таму ня грэх памэдытаваць на валютных дзэн-сайтах і ўсьміхнуцца анэкдоту: «Расейскія банкі замаўляюць васьмізначныя табло для надпісу «Крым_наш».
Гэта ня радасьць, што ў суседа здохла карова, а назіраньне, як падае з вышыні злыдзень, што крыўдзіў слабейшага і рагатаў ад беспакаранасьці.
Але ж і прыстойныя расейцы, і ўся Беларусь прывязаныя да злыдня кароткай вяроўкай. Дык лепш пачаць адвязвацца цяпер, чым ніколі.
***
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас maksymiukj@rferl.org. Аўтарства чытацкіх допісаў пазначым, ганарараў плаціць ня будзем.
