На станцыі «Інстытут культуры» зьбіраюцца калегі, сябры Алеся Бяляцкага, якога спадзяюцца сустрэць з электрычкі а 15:05. На плятформе жонка Алеся Натальля Пінчук, калегі Валянцін Стэфановіч, Уладзімер Лабковіч, журналісты — усяго чалавек 30. Ёсьць міліціянты ў форме і людзі ў цывільным з навушнікамі, якія паўтараюць адну фразу: «А 15-й гадзіне».

Алесь Бяляцкі выйшаў зь цягніка пад воплескі грамады і воклічы «Жыве Беларусь!»

Алесю Бяляцкаму падарылі вялізны букет кветак.

Алесь Бяляцкі сказаў, што пэўны ціск быў увесь час з тым, каб ён напісаў прашэньне аб памілаваньні. Але ён адмаўляўся.

«Бывала так, што ноччу прачынаешся і думаеш пра падзеі ва Ўкраіне»

Алесь Бяляцкі адказаў на пытаньні журналістаў, падзякаваў сустракальнікам і скіраваўся дадому: «Бо тры гады дому ня бачыў і не адышоў яшчэ ад зоны».

Прысутныя праваджаюць Бяляцкага воплескамі.

Запіс жывой трансьляцыі сустрэчы Алеся Бяляцкага