Ноччу нападаў на ўкраінскія вайсковыя часткі ў Крыме не было

Пра гэта паведамляе ўкраінская служба Радыё Свабода.

Самая трывожная сытуацыя захоўваецца побач са штабам ВМС Украіны ў Севастопалі. Там значна ўзрасла колькасьць прадстаўнікоў так званай «самаабароны Крыма» і расейскіх казакоў, а таксама узброеных людзей без апазнавальных знакаў.

Штаб берагавой абароны ў Сімфэропалі спрабуюць забарыкадаваць бэтоннымі блёкамі. Заблякаваныя і іншыя ўкраінскія ваенныя гарнізоны.

Такім чынам, Расея працягвае нарошчваць сваю ваенную прысутнасьць на паўвостраве.