Пастанова Рады: Януковіч — не прэзыдэнт. Януковіч: Гэта пераварот. Цімашэнка — на волі

Добкін ня хоча расколу Ўкраіны

У Харкаве пачаўся зьезд дэпутатаў паўднёва-ўсходніх рэгіёнаў Украіны і Крыму.

Як перадае УНІАН, Віктара Януковіча на ім няма.

У зале Палаца спорту разьмясьціліся некалькі тысяч дэлегатаў зьезда, у прыватнасьці, дэпутаты Вярхоўнай Рады, кіраўніцтва абласных адміністрацыі і абласных рад Данецкай, Луганскай, Днепрапятроўскай абласьцей. Прысутнічаюць і дэпутаты Дзярждумы Расіі, губэрнатары некалькіх расейскіх абласьцей, таксама генконсул Расеі ў Харкаве Сяргей Сямёнаў.

Старшыня Харкаўскай абласной адміністрацыі Міхаіл Добкін, адкрываючы зьезд, сказаў, што прысутнічае каля 3,5 тысячы дэпутатаў з паўднёва-ўсходніх рэгіёнаў Украіны. Добкін падкрэсьліў, што зьезд не зьяўляецца сэпаратысцкім:

«Мы не зьбіраемся расколваць краіну, мы зьбіраемся яе захаваць».

МУС Украіны перайшло на бок паўстанцаў

Асабісты склад МУС перайшоў на бок народу. Пра гэта паведамляе афіцыйны сайт Міністэрства ўнутраных спраў Украіны.

Новым старшынём Вярхоўнай Рады абраны Турчынаў

За Аляксандра Турчынава прагаласавала 288 дэпутатаў.

На пасаду старшыні ўнесеныя кандыдатуры Пятра Парашэнкі і Аляксандра Турчынава. Парашаэнка зьняў сваю кандыдатуру на карысьць Турчынава.

Вярхоўная Рада адхіліла Ўладзімера Рыбака з пасады сьпікера. За гэтая рашэньне прагаласавала 326 дэпутатаў

У Харкаве сабраўся зьезд прарасейскага «Украінскага фронту»

У Харкаве пачынаецца зьезд дэпутатаў усіх узроўняў паўднёва-ўсходніх абласьцей Украіны, Крыма і Сэвастопаля. Яго адкрылі кіраўнікі харкаўскай абласной і гарадзкой адміністрацый Міхаіл Добкін і Генадзь Кернэс.

У горад масава прывезьлі шахтароз, зьезд ахоўваюць беркутаўцы з аўтаматамі, паведамляе тэлеканал «Україна».

Паралельна ў Харкаве праходзіць Эўрамайдан прыхільнікаў эўраінтэграцыі, якія хочуць пікетаваць зьезд каб не дапусьціць сэпаратысцкіх заклікаў.

Віктара Януковіча на зьезьдзе няма. Але вядома, што ён цяпер знаходзіцца ў Харкаве.

Кіяне масава едуць у Межыгор’е, каб паглядзець на пакінутую рэзыдэнцыю Януковіча

«Пры выезьдзе з Кіева вялізны затор! Усе хочуць трапіць у Межыгор’е!» — напісаў у Фэйсбуку прадстаўнік «Свабоды» Аляксандр Аранец.

Людзі хочуць паглядзець, як жыў прэзыдэнт, але ахова іх пакуль не прапускае, абяцаючы, што ўсе жадаючыя змогуць паглядзець на рэзыдэнцыю пазьней. Цяпер прапускаюць толькі журналістаў, паведамляе Espreso.tv

Сьпікерам Рады могуць абраць Парашэнку

Кіраўніком Вярхоўнай Рады прапануюць абраць Пятра Парашэнку, — паведамляе УНН праект пастановы ўжо зарэгістраваны ў Радзе.

Парашэнка — буйны бізнэсовец, адзін з лідэраў Аранжавай рэвалюцыі, былы міністра замежных спраў.

У выніку імпічмэнта прэзыдэнта, старшыня Рады будзе выконваць ягоныя паўнамоцтвы.

Януковіч знаходзіцца ў Харкаве

Віктар Януковіч цяпер знаходзіцца ў Харкаве, дзе плянуе сёньня «пагутарыць з выбаршчыкамі»

Ці прытуліць Лукашэнка Януковіча?

Палітоляг Аляксандр Класкоўскі лічыць, што беларускія ўлады цалкам могуць прадаставіць прытулак прадстаўнікам рэжыму Віктара Януковіча, таму што, як паказвае досьвед, шмат хто з дыктатараў атрымлівалі публічную падтрымку з боку беларускага кіраўніка.

Класкоўскі: Беларуская прапаганда будзе палохаць сытуацыяй ва Ўкраіне

Палітоляг Аляксандр Класкоўскі лічыць, што напярэдадні прэзыдэнцкіх выбараў 2015 году беларуская прапаганда будзе выкарыстоўваць падзеі на Ўкраіне з мэтай запалохваньня людзей забурэньнямі і праліцьцём крыві ў выніку народнага паўстаньня.

Ленінапад ва Ўкраіне

Глядзець «Ленінапад» ва Ўкраіне на вялікай мапе

Януковіч пакінуў Украіну — дэпутат Ляшко

Дэпутат Алег Ляшко заявіў, што Віктар Януковіч не падпісаў закон аб вяртаньні Канстытуцыі 2004 года, пакінуў краіну, адхіліўся ад выкананьня абавязкаў, што зьяўляецца падставай для імпічмэнту.

Клічко: патрэбныя датэрміновыя выбары

Лідэр партыі «Ўдар» Віталь Клічко заявіў на сэсіі Вярхоўнай Рады: «Януковіч сам адсунуў сябе ад выкананьня абавязкаў, ён пакінуў Кіеў, толькі адзін выхад з сытуацыі — адстаўка Януковіча і датэрміновыя выбары, не пазьней за 25 траўня».

Ён заклікаў грамадзянаў Украіны зьберагаць спакой.

Чавусаў: «Трэба адказаць, ці беларускай апазыцыя прапануе ўкраінскі сцэнар»

Палітоляг Юры Чавусаў лічыць, што пакуль яшчэ вельмі рана рабіць канчатковыя высновы што да падзеяў ва Ўкраіне і магчымай адстаўкі прэзыдэнта Віктара Януковіча

Ігар Калетнік, віцэ-сьпікер Вярхоўнай рады з Куністычнай партыі Ўкраіны таксама падаў у адстаўку, — паведаміў віцэ-сьпікер Кашулінскі.

Дзе Януковіч, невядома — Турчынаў

Алег Цягнібок заклікаў Раду выбраць новага сьпікера, прызначыць кіраўнікоў Генэральнай пракуратуры, Службы бясьпекі Ўкраіны, МУС, правесьці датэрміновыя выбары прэзыдэнта на канец траўня.

Большасьць вынакальнікаў абавязкаоў міністраў разьбегліся, Януковіч знаходзіцца невядома дзе. Адзіны органам застаецца Вярхоўная Рада, заявіў лідэр фракцыі «Бацькаўшчыны» Аляксандар Тручынаў.

Ён заклікаў сёньня ж абраць новага сьпікера Рады і новага выканаўца абавязкаў прэм’ера.

Януковіч зьехаў зь Межыгор’я

Журналістаў 5 каналу пусьцілі ў рэзыдэнцыю Януковіча Межыгор’е.

Пачалася сэсія Вярхоўнай Рады. Сьпікер Уладзімер Рыбак падаў заяву пра адстаўку.

У эфіры праграмы «Тычыцца кожнага» на телеканале «Інтер» журналістка Лідзія Панькоў замест рамантычнай гісторыі каханьня зь беркутаўцам распавяла пра нянавісьць да ўкраінскай улады.

«Вы, напэўна, хочаце пачуць ад мяне гісторыю пра тое, як я голымі рукамі стрымлівала цэлы атрад „Беркута“? І як адзін зь беркутаўцаў закахаўся ў мяне? Але я раскажу вам трохі іншую гісторыю. Пра гэта, як я голымі рукамі разьцягвала пазаўчора трупы людзей. І пра гэта, як загінула два маіх сябра. Я прыйшла на праграму толькі таму, што гэта — просты эфір. Каб сказаць усім, як я ненавіджу Захарчанку, Клюева, Януковіча, Лукаша і іншых. І як я ўзьненавідзела беркутаўцаў. І ўсіх разам зь ім, хто выконваў злачынныя загады ўлады».