18:41
20.2.2014
Амбудсмэн: Захарчанка аддае злачынныя загады
Амбудсмэн Валерыя Луткоўская лічыць недапушчальным прымяненьне праваахоўнымі органамі агнястрэльнай зброі супраць пратэстоўцаў. Пра гэта паведамляе яе прэс-служба.
«Ніводзін міжнародны стандарт не дазваляе праваахоўнікам весьці агонь на паражэньне дзеля спыненьня масавых беспарадкаў. Наадварот, міжнародныя дакумэнты заклікаюць да мінімізацыі шкоды ў выніку прымяненьня сілы. Інакш такія дзеяньні зьяўляюцца злачынствам», — сказана ў паведамленьні.
«Я разумею, што сытуацыя зайшла ў тупік, аднак будаваць дзяржаву на чалавечай крыві нельга. Любы канфлікт павінен быць вырашаны за сталом перамоваў, мірным шляхам. Шляхам палітычнага кампрамісу, узаемных сапраўдных крокаў бакоў насустрач адзін аднаму», — адзначыла Валерыя Луткоўская.
18:49
20.2.2014
Завяршыліся перамовы Януковіча з эўрапейскімі міністрамі
Паводле СМІ, яна перарывалася з-за таго, што прэзыдэнт Украіны тэлефанаваў прэзыдэнту Расеі Ўладзімеру Пуціну.
Паводле СМІ, яна перарывалася з-за таго, што прэзыдэнт Украіны тэлефанаваў прэзыдэнту Расеі Ўладзімеру Пуціну.
18:49
20.2.2014
Роўна: фракцыя Партыі рэгіёнаў самараспусьцілася
Фракцыя Партыі рэгіёнаў у Ровенскай абласной радзе пастанавіла распусьціцца, паведамляюць «Українські новини».
Заяву аб самароспуску на пазачарговай сэсіі рады 20 лютага зачытаў былы кіраўнік фракцыі Анатоль Юхіменка.
19:09
20.2.2014
Толькі што была бойка ў Вярхоўнай Радзе #євромайдан
— Радыё Свабода (@svaboda) 20.2.2014
19:25
20.2.2014
Пуцін пасылае Лукіна ў Кіеў
Прэзыдэнт Расеі Ўладзімер Пуцін на просьбу прэзыдэнта Ўкраіны Віктара Януковіча адпраўляе ў Кіеў амбудсмэна Ўладзімера Лукіна пасярэднікам на перамовах з апазыцыяй.
Пра гэта паведамляюць РІА «Новости» са спасылкай на заяву прэс-сакратара расейскага лідэра Дзьмітрыя Пяскова.
«Як вядома, Уладзімер Лукін валодае багатым вопытам дыпляматычнай службы, значным аўтарытэтам сярод праваабаронцаў, узначальваў буйную апазыцыйную партыю», — адзначыў Пяскоў.
19:32
20.2.2014
У Кіеве запрацавала мэтро
У Кіеве мэтрапалітэн паведаміў пра тое, што часткова аднавіў працу.
Аднак перасадачныя вузлы мэтро не працуюць.
Зачыненымі для ўваходу і выхаду пасажыраў застаюцца станцыі “Крашчацік“, “Майдан Незалежнасьці“ ды іншыя.
Група “Эўрамайдан SOS“ распаўсюдзіла аб’яву аб наборы валантэраў для дзяжурства на станцыях мэтро для аховы грамадзкага парадку.
20:07
20.2.2014
Эўропа ўвядзе фінансавыя і візавыя санкцыі супраць украінскіх чыноўнікаў #євромайдан
— Радыё Свабода (@svaboda) 20.2.2014
20:16
20.2.2014
- By Паўло Зубʼюк
Дзень 20 лютага на Майдане вачыма Паўла Зуб’юка
20:20
20.2.2014
Пяскоў: Януковіч не зьвяртаўся па прытулак у Расеі
Прэс-сакратар прэзыдэнта Расеі Дзьмітрый Пяскоў зьняпраўдзіў паведамленьні пра тое, што прэзыдэнт Украіны Віктар Януковіч папрасіў палітычнага прытулку ў Расеі:
«Гэта „качка“, гэта інфармацыйная партызаншчына, інфармацыйная вайна», — сказаў Пяскоў у інтэрвію тэлеканалу «Дождж».
На пытаньне, ці глядзіць Пуцін відэатрансьляцыю падзей у Кіеве, Пяскоў адказаў, што «Пуцін у меншай ступені бачыць кадры — у яго зараз няма часу глядзець тэлевізар. У вялікай ступені ён атрымлівае інфармацыю па розных каналах».
20:33
20.2.2014
РТ! У Кіеве прапаў беларус Іван Стасюк #євромайдан http://t.co/7DXMTFy1x7
— Радыё Свабода (@svaboda) 20.2.2014
20:34
20.2.2014
У Луцку міліцыя і войскі аб’ядналіся з пратэстоўцамі
У Луцку міліцыя і частка ўнутраных войскаў № 1141 перайшлі на бок народа і будуць разам з «Правым сэктарам» і самаабаронай забясьпечваць парадак у вобласьці і горадзе.
Пра гэта заявіў каардынатар мясцовай самаабароны Павел Данільчук ў эфіры «Громадського ТВ».
Паводле Данільчука, міліцыя і вайскоўцы дамовіліся дзейнічаць з народам разам.
Ніводнага сілавіка на Кіеў накіравана ня будзе, запэўнілі кіраўнікі міліцыі і ўнутраных войскаў.
20:40
20.2.2014
Пяскоў: Януковіч не зьвяртаўся па прытулак у Расеі #євромайдан http://t.co/ONyyOHwoOe На крайні выпадак заўсёды ёсць Беларусь
— Радыё Свабода (@svaboda) 20.2.2014
20:44
20.2.2014
На #євромайдан забілі 22-гадовага журналіста "Спортаналітыкі". Гэта ўжо другі загінулы журналіст
— Радыё Свабода (@svaboda) 20.2.2014
20:52
20.2.2014
Лагвінец: Пазыцыя Эўразьвязу не паўплывала б на паводзіны Януковіча
Чаму, на думку многіх аналітыкаў, рэакцыя Эўразьвязу на падзеі ў Кіеве была слабай і запозьненай? Ці магла паўплываць на ўкраінскае кіраўніцтва больш жорсткая пазыцыя эўрапейскіх палітыкаў? На гэтыя пытаньні адказвае палітоляг Алесь Лагвінец.
Чаму, на думку многіх аналітыкаў, рэакцыя Эўразьвязу на падзеі ў Кіеве была слабай і запозьненай? Ці магла паўплываць на ўкраінскае кіраўніцтва больш жорсткая пазыцыя эўрапейскіх палітыкаў? На гэтыя пытаньні адказвае палітоляг Алесь Лагвінец.
20:52
20.2.2014
ЗША патрабуюць ад Януковіча адклікаць сілавікоў
ЗША заклікаюць украінскую ўладу вывесьці сілавікоў з цэнтра Кіева, а апазыцыю — забясьпечыць мірныя формы пратэсту. Пра гэта гаворыцца ў заяве прэс-сакратара Белага Дому Джэя Карні.
ЗША заклікаюць украінскую ўладу вывесьці сілавікоў з цэнтра Кіева, а апазыцыю — забясьпечыць мірныя формы пратэсту. Пра гэта гаворыцца ў заяве прэс-сакратара Белага Дому Джэя Карні.
21:06
20.2.2014
Генэральны сакратар NATO заклікаў спыніць кровапраліцьце
Генэральны сакратар NATO Андэрс Фог Расмусэн заявіў, што ўкраінскі ўрад нясе адказнасьць і не павінен выкарыстоўваць празьмерную сілу супраць пратэстоўцаў.
Пра гэта ён напісаў у сваім Твітэры.
«Я заклікаю ўсе бакі ва Ўкраіне спыніць кровапраліцьце. Урад нясе асаблівую адказнасьць і не павінен выкарыстоўваць празьмерную сілу. Украінская армія павінна заставацца нэўтральнай і не выходзіць супраць сваіх грамадзян. Толькі дыялёг можа стаць выйсьцем. Спадзяюся, што візыт міністраў замежных спраў ЭЗ можа пракласьці шлях для мірнага рашэньня», — напісаў ён.
I urge all parties in #Ukraine to stop bloodshed. Government has a special responsibility not to use excessive force
— AndersFogh Rasmussen (@AndersFoghR) February 20, 2014