Хоць Янку Купалу адпраўляй на выбары, вынік будзе нулявы, — Такінданг

Палітыкі, грамадзкія і культурніцкія дзеячы камэнтуюць прапанову Паўла Севярынца выбраць адзінага кандыдата на Кангрэсе дэмакратычных сілаў ужо ў красавіку 2014 году, каб дэлегатамі сталі кандыдаты ад апазыцыі на мясцовых выбарах.

Музыка і тэлевядоўца Андрусь Такінданг лічыць, што інстытут выбараў у Беларусі адмірае, і ўдзельнічаць у іх няма сэнсу.

«Вядома, сходы і абмерканьні я вітаю, гэта класна, калі разнастайныя людзі сядуць за стол перамоваў. Але ў эфэктыўнасьць гэтага я ня веру. Я скептычна стаўлюся да самога інстытуту выбараў. І ўдзельнічаць не зьбіраюся. Важная рэч — як зрабіць іх празрыстымі?»

Ці магчыма праз Кангрэс выбраць сапраўды моцнага лідэра, які скансалідуе ўсіх прыхільнікаў пераменаў?

«Вядома, варта мець аўтарытэтаў. Але пакуль выбары такія, як яны ёсьць, хоць Янку Купалу ці Якуба Коласа адпраўляй на іх, вынік будзе нулявы.

Нават калі выберуць лідэра, ці варта адпраўляць гэтага касманаўта на касмавыбары, вось пытаньне. Можа, не праз выбары, нейкім іншым чынам? Ёсьць жа нейкая мяжа трываласьці грамадзтва».

ПРАЦЯГ ТЭМЫ

• Майдан моцны і без «адзінага», — Бандарэнка
• У Беларусі ўлада не зьмяняецца пры дапамозе палітыкі, – Булгакаў
• Вольскі: Шукаць нетрадыцыйныя падыходы
• Хоць Купалу адпраўляй на выбары, вынік будзе нулявы, – Такінданг
• Колас прапануе вызначыць адзінага яшчэ да Кангрэсу
• Апазыцыя адрэагавала на ідэю Севярынца вылучыць «адзінага» ў красавіку
• Някляеў: Няма лепшага, чым апрабаваны мэханізм Кангрэсу
• Патрэбнае аб’яднаньне тых, хто лічыць рэжым нерэфармавальным, — Вячорка
• У АГП лічаць, што праймэрыз лепшыя за Кангрэс