«Уралкалій» разладу. Навошта Лукашэнка ўзяў закладніка?

Гендырэктар расейскай кампаніі «Уралкалій» Уладзіслаў Баумгертнэр затрыманы пасьля сустрэчы з прэм’ер-міністрам Беларусі Міхаілам Мясьніковічам. Баўмгертнэр арыштаваны на два месяцы і знаходзіцца ў менскай турме КДБ. Улады Беларусі вінавацяць мэнэджараў «Уралкалія» ў эканамічных злачынствах. Пад ударам бізнэс мільярдэраў Сулеймана Керымава і Філарэта Галчава. Расейскі віцэ-прэм’ер Ігар Шувалаў заявіў, што дзеяньні Менску «ня ўлазяць ні ў якія рамкі». Расейскі амбасадар ужо пабываў у Генпракуратуры Беларусі. Уладзімер Пуцін пакуль маўчыць.