У сярэдзіне 1980-х пасьля затрыманьня групы менскай моладзі на Купальле, афіцэр КГБ нібыта запытаўся ў барда Алеся Камоцкага пра ягоную жонку Касю Камоцкую: «Вы ведаеце, што ваша жонка сьпявае нацыяналістычныя песьні?» — «Так, — адказаў Камоцкі. — А яшчэ яна танчыць нацыяналістычныя танцы».
Высьвятляецца, што ў цяперашняй Беларусі людзі ўжо ня толькі пішуць экстрэмісцкія тэксты, але і здымаюць экстрэмісцкія фота. «Мастацтвазнаўцаў у цывільным» заўсёды турбавала, каб у людзей была правільная карцінка рэчаіснасьці. Таму іх нацыянальны гонар і годнасьць не прыніжае, калі міліцыянт лупіць дубінкай ляжачую жанчыну — кепска толькі тое, што такі вобраз патрапляе на шырокую публіку.
Але выглядае гэта, як спроба загарнуць у паперку лом, якім разьбіваюць люстэрка, бо надта ж агідная адтуль пыса пазірала.
І гэтае фота, пэўна ж, таксама экстрэмізм
Фотагалерэя:
КДБ лічыць гэта экстрэмізмам
Экспэртыза канфіскаваных летась на мытні альбомаў «Прэс-фота Беларусі» за 2011 год прызнала іх экстрэмісцкімі. КДБ распачаў справу. У суд выклікаюць Юлію Дарашкевіч – фатографа і арганізатара конкурсу «Прэс-фота Беларусі», а таксама фатографа Вадзіма Заміроўскага.
Фота, у якіх экспэртыза пабачыла экстрэмізм і абразу нацыянальнай годнасьці грамадзянаў Беларусі.
Здымкі з сайту Belarus Press Photo (pressphoto.by) публікуюцца з дазволу арганізатараў конкурсу.
