Пра гэта паведамілі ў сям’і нябожчыка.
Разьвітаньне пройдзе заўтра 20 лютага з 10 да 11 гадзінаў у вёсцы Мышкавічы Кіраўскага раёну Магілёўскай вобласьці. Пахаваны Васіль Старавойтаў будзе на мясцовых могілках.
Даведка Свабоды:
Нарадзіўся 13 чэрвеня 1924 году ў вёсцы Барок Бялыніцкага раёну Магілёўскай вобласьці.
Удзельнічаў у Вялікай Айчыннай вайне.
У 1957–1968 гадах працаваў дырэктарам саўгасу «Раднянскі» Клімавіцкага раёну.
У 1968–1997 гадах — старшыня калгасу «Рассвет» імя Кірылы Арлоўскага.
Выступаў з крытыкай Аляксандра Лукашэнкі, не падтрымаў яго кандыдатуру на выбарах.
У кастрычніку 1997 году быў адхілены ад працы і арыштаваны. Абвінавачваўся ў перавышэньні службовых паўнамоцтваў, эканамічных злачынствах, хабары, арганізацыі забойства кіраўніка магілёўскага Дзяржкантролю Мікалуцкага.
Правёў за кратамі амаль паўтара года.
У СІЗА перанёс два сардэчныя прыступы, мікраінсульт, пасьля якога ня мог гаварыць, практычна страціў зрок.
У 1999 годзе быў асуджаны на два гады пазбаўленьня волі з адбываньнем пакараньня ў калёніі строгага рэжыму і канфіскацыяй маёмасьці.
Пасьля вызваленьня зь месцаў зьняволеньня вярнуўся дадому.
Быў сябрам АГП.
Жыў у вёсцы Мышкавічы Магілёўскай вобласьці.
