Яна апавяла, што ўжо трэці дзень галадуе пацыент шпіталя Мікалай Такаровіч, які такім чынам выказвае нязгоду з тамтэйшымі мэтадамі лекаваньня:
«Пра гэта мне паведаміў праз тэлефон наш прыхільнік Валеры Ганчарэнка. Ён таксама пацыент багушэўскага шпіталя, хранічна хворы на сухоты. Як і большасьць тамтэйшых пацыентаў, ён мусіць праводзіць у шпіталі шмат часу, і такія хворыя трапляюць у вялікую залежнасьць ад адміністрацыі, асабліва калі ў іх няма родных, каб за іх заступіліся. Спадар Ганчарэнка кажа, што ўчора яго выклікала галоўурач Натальля Лясная, заявіўшы, што гэта ён падбухторшчык галадоўкі пратэсту. І прыгразіла, што абодвух перавядзе ў мясцовае псыхіятрычнае аддзяленьне, калі яны не перастануць перадаваць зьвесткі са шпіталя ў незалежныя СМІ».
Некалькі дзён таму ліст хворага на сухоты Мікалая Такаровіча быў разьмешчаны на сайце БХД. У ім гаварылася, што харчаваньне ў Багушэўскім шпіталі дрэннае, а мэтады лекаваньня і прэпараты — састарэлыя.
Напрыканцы мінулага году пра тое самае незалежным журналістам казаў і Валеры Ганчарэнка, які таксама тады абвясьціў галадоўку пратэсту. Пасьля гэтага Ганчарэнку насамрэч перавялі ў псыхіятрычнае аддзяленьне, дзе трымалі некалькі месяцаў. Афіцыйнай прычынай пераводу было названа псыхічнае захворваньне. У іншых пацыентаў у той самы час пазабіралі мабільныя тэлефоны, пазбавіўшы мажлівасьці выходзіць у інтэрнэт, і нават алоўкі ды паперу.
«Пра гэта мне паведаміў праз тэлефон наш прыхільнік Валеры Ганчарэнка. Ён таксама пацыент багушэўскага шпіталя, хранічна хворы на сухоты. Як і большасьць тамтэйшых пацыентаў, ён мусіць праводзіць у шпіталі шмат часу, і такія хворыя трапляюць у вялікую залежнасьць ад адміністрацыі, асабліва калі ў іх няма родных, каб за іх заступіліся. Спадар Ганчарэнка кажа, што ўчора яго выклікала галоўурач Натальля Лясная, заявіўшы, што гэта ён падбухторшчык галадоўкі пратэсту. І прыгразіла, што абодвух перавядзе ў мясцовае псыхіятрычнае аддзяленьне, калі яны не перастануць перадаваць зьвесткі са шпіталя ў незалежныя СМІ».
Некалькі дзён таму ліст хворага на сухоты Мікалая Такаровіча быў разьмешчаны на сайце БХД. У ім гаварылася, што харчаваньне ў Багушэўскім шпіталі дрэннае, а мэтады лекаваньня і прэпараты — састарэлыя.
Напрыканцы мінулага году пра тое самае незалежным журналістам казаў і Валеры Ганчарэнка, які таксама тады абвясьціў галадоўку пратэсту. Пасьля гэтага Ганчарэнку насамрэч перавялі ў псыхіятрычнае аддзяленьне, дзе трымалі некалькі месяцаў. Афіцыйнай прычынай пераводу было названа псыхічнае захворваньне. У іншых пацыентаў у той самы час пазабіралі мабільныя тэлефоны, пазбавіўшы мажлівасьці выходзіць у інтэрнэт, і нават алоўкі ды паперу.
