Форум праводзіцца ад 2009 году ў траўні і прысьвечаны праблемам краінаў, дзе парушаюцца правы чалавека, абмяжоўваецца свабода слова і выказваньняў. На форуме быў стыпэндыят праграмы Вацлава Гаўла на Радыё Свабода Франак Вячорка.
Што ўвогуле можа зьмяніць праваабарончы форум? Ці гучала і ў якім аспэкце беларуская тэма? Што адказалі арганізатары форуму на пытаньне: «Ці ня сьведчыць сытуацыя з Алесем Бяляцкім пра тое, што калі зьяўляюцца бізнэс-інтарэсы, то правы чалавека адыходзяць на другі плян»? Што ў Нарвэгіі кажуць пра шанцы Алеся Бяляцкага ў атрыманьні Нобэлеўскай прэміі міру? Слухайце гутарку Ганны Соўсь і Франака Вячоркі.
