Генэрал-палкоўнік Павал Казлоўскі перакананы, што Расея зацікаўленая ў вайсковым супрацоўніцтве з Беларусьсю.
На пасяджэньні Савету Парлямэнцкай асамблеі АДКБ Аляксандар Лукашэнка заявіў аб поўным узаемаразуменьні з кіраўніцтвам Расеі ў справе бясьпекі і ўзаемадзеяньня ў рамках АДКБ (Арганізацыі Дамовы аб калектыўнай бясьпецы СНД). "У нас шмат разоў бывала неразуменьне з расейскім кіраўніцтвам. У нас было ўсё, але мы браты і сябры. Але што тычыцца АДКБ – жарты ў бок, гэта сьвятое. І тут у нас ніколі не было ніякага недастатковага разуменьня", – сказаў Лукашэнка.
А ў якой ступені Масква зацікаўленая ў Менску як вайсковым саюзьніку? Адказвае былы міністар абароны Беларусі, генэрал-палкоўнік Павал Казлоўскі.
Казлоўскі: Для Расеі, канечне, важна, каб тут быў саюзьнік – верны, адданы, у сыстэме АДКБ. Для Расеі важна, каб працавала адзіная сыстэма супрацьпаветранай абароны, і сыстэма гэтая ёсьць. Кіраўніцтва Беларусі часта спэкулюе гэтым, заяўляючы, што мы абараняем – адзіныя – заходнія рубяжы Расеі, што ад Смаленска ніякіх расейскіх сілаў няма. Таму тое, што тут інтарэс Расеі – гэта бясспрэчна. Іншая справа, што часта на гэтым грае беларускі кіраўнік – чаму мала плаціце, і гэтак далей. Гэта гульня, каб выбіць рэсурсы.
Навумчык: У якой ступені вайсковыя аб'екты на тэрыторыі Беларусі важныя для Расеі?
Казлоўскі: Глядзіце: радыёлакацыйная станцыя пад Баранавічамі – гэта вочы Расеі на ўсю Эўропу. Яна расейская, абслугоўваюць расейцы. Ад падобнага аб'екту адмовілася Латвія, адмовілася Ўкраіна. Ды і сама сыстэма супрацьпаветранай абароны – моцная. Іншая справа, што яна сёньня дрэнна абнаўляецца, хаця Расея паабяцала даць у арэнду найноўшыя сыстэмы СПА.
Навумчык: Як бы Вы ацанілі цяперашнюю баяздольнасьць войска Рэспублікі Беларусь?
Казлоўскі: Тут шмат амбіцыяў і пахвальбы, што мы вельмі моцныя і дамо адпор НАТО, але насамрэч баяздольнасьць вельмі невысокая з прычыны недафінансаваньня. Падвышэньне заробкаў афіцэрам – гэта не галоўнае. Бо ёсьць жа тэхніка, рэглямэнт якой вычарпаны за гэтыя 25-30 гадоў. А фінансаваньне вельмі слабое. Выдзяленьне сродкаў на падтрыманьне ў гатоўнасьці самалётаў, танкаў – мізэрнае.
Дамова аб Калектыўнай бясьпецы была падпісаная на пасяджэньні рады кіраўнікоў дзяржаў СНД у Ташкенце 15 траўня 1992 г. Першапачаткова Беларусь не падпісала Дамову. Аднак пазьней за падпісаньне выступаў старшыня Савету міністраў Вячаслаў Кебіч, тэма далучэньня Беларусі да Арганізацыі Дамовы аб калектыўнай бясьпецы (АДКБ) у 1993 г. зрабілася адной з галоўных тэмаў палітычнага жыцьця. Апазыцыя БНФ у Вярхоўным Савеце выступала супраць падпісаньня Дамовы, паколькі, на яе думку, гэта ўцягвала Беларусь у арбіту вайсковых інтарэсаў Расеі. Старшыня Вярхоўнага Савету Станіслаў Шушкевіч спачатку быў супраць, але пад ціскам дэпутацкай большасьці 31 сьнежня 1993 г. пацьвердзіў далучэньне да АДКБ.
На пасяджэньні Савету Парлямэнцкай асамблеі АДКБ Аляксандар Лукашэнка заявіў аб поўным узаемаразуменьні з кіраўніцтвам Расеі ў справе бясьпекі і ўзаемадзеяньня ў рамках АДКБ (Арганізацыі Дамовы аб калектыўнай бясьпецы СНД). "У нас шмат разоў бывала неразуменьне з расейскім кіраўніцтвам. У нас было ўсё, але мы браты і сябры. Але што тычыцца АДКБ – жарты ў бок, гэта сьвятое. І тут у нас ніколі не было ніякага недастатковага разуменьня", – сказаў Лукашэнка.
А ў якой ступені Масква зацікаўленая ў Менску як вайсковым саюзьніку? Адказвае былы міністар абароны Беларусі, генэрал-палкоўнік Павал Казлоўскі.
Казлоўскі: Для Расеі, канечне, важна, каб тут быў саюзьнік – верны, адданы, у сыстэме АДКБ. Для Расеі важна, каб працавала адзіная сыстэма супрацьпаветранай абароны, і сыстэма гэтая ёсьць. Кіраўніцтва Беларусі часта спэкулюе гэтым, заяўляючы, што мы абараняем – адзіныя – заходнія рубяжы Расеі, што ад Смаленска ніякіх расейскіх сілаў няма. Таму тое, што тут інтарэс Расеі – гэта бясспрэчна. Іншая справа, што часта на гэтым грае беларускі кіраўнік – чаму мала плаціце, і гэтак далей. Гэта гульня, каб выбіць рэсурсы.
Навумчык: У якой ступені вайсковыя аб'екты на тэрыторыі Беларусі важныя для Расеі?
Казлоўскі: Глядзіце: радыёлакацыйная станцыя пад Баранавічамі – гэта вочы Расеі на ўсю Эўропу. Яна расейская, абслугоўваюць расейцы. Ад падобнага аб'екту адмовілася Латвія, адмовілася Ўкраіна. Ды і сама сыстэма супрацьпаветранай абароны – моцная. Іншая справа, што яна сёньня дрэнна абнаўляецца, хаця Расея паабяцала даць у арэнду найноўшыя сыстэмы СПА.
Навумчык: Як бы Вы ацанілі цяперашнюю баяздольнасьць войска Рэспублікі Беларусь?
Казлоўскі: Тут шмат амбіцыяў і пахвальбы, што мы вельмі моцныя і дамо адпор НАТО, але насамрэч баяздольнасьць вельмі невысокая з прычыны недафінансаваньня. Падвышэньне заробкаў афіцэрам – гэта не галоўнае. Бо ёсьць жа тэхніка, рэглямэнт якой вычарпаны за гэтыя 25-30 гадоў. А фінансаваньне вельмі слабое. Выдзяленьне сродкаў на падтрыманьне ў гатоўнасьці самалётаў, танкаў – мізэрнае.
Дамова аб Калектыўнай бясьпецы была падпісаная на пасяджэньні рады кіраўнікоў дзяржаў СНД у Ташкенце 15 траўня 1992 г. Першапачаткова Беларусь не падпісала Дамову. Аднак пазьней за падпісаньне выступаў старшыня Савету міністраў Вячаслаў Кебіч, тэма далучэньня Беларусі да Арганізацыі Дамовы аб калектыўнай бясьпецы (АДКБ) у 1993 г. зрабілася адной з галоўных тэмаў палітычнага жыцьця. Апазыцыя БНФ у Вярхоўным Савеце выступала супраць падпісаньня Дамовы, паколькі, на яе думку, гэта ўцягвала Беларусь у арбіту вайсковых інтарэсаў Расеі. Старшыня Вярхоўнага Савету Станіслаў Шушкевіч спачатку быў супраць, але пад ціскам дэпутацкай большасьці 31 сьнежня 1993 г. пацьвердзіў далучэньне да АДКБ.
