Камітэт нацыянальнай бясьпекі і абароны Сэйму плянуе пачаць расьсьледаваньне аб садзеяньні Беларусі з боку Міністэрства юстыцыі Літвы, што дапамагло затрымаць праваабаронцу Алеся Бяляцкага. Увосень парлямэнтары будуць высьвятляць як вінаватых у гэтым інцыдэнце, так і яго прычыны.
Гэта пацьвердзіў агенцтву DELFI кіраўнік парлямэнцкай фракцыі кансэрватараў Юргіс Разма і старшыня камітэту Арвідас Анушаўскас.
Па словах палітыкаў, самае важнае – усталяваць, чаму не спрацавалі мэханізмы, якія павінны былі прадухіліць інцыдэнт, і якія заплямілі Літву.
Міністар юстыцыі Рэмігіюс Шымашус не сьпяшаецца вінаваціць сваіх падначаленых у сувязі зь перадачай інфармацыі Беларусі. Міністар прыносіць свае прабачэньні за інцыдэнт і абяцае Бяляцкаму і іншым дзеячам апазыцыі дапамогу.
Акрамя гэтага, Шымашус лічыць, што гэты інцыдэнт выгадны Расеі.
Міністэрства юстыцыі сьцьвярджае, што ня мае намеру пачынаць унутранае расьсьледаваньне па гэтым інцыдэнце. Міністэрства прызнае, што ў чэрвені атрымала папярэджаньне МЗС не дапамагаць службам Беларусі, але было ўжо позна, бо беларускі бок атрымаў запытаную інфармацыю яшчэ ў сакавіку.
Прэзыдэнт Даля Грыбаўскайце сьцьвярджала, што пасьля выдачы інфармацыі Беларусі Шымашус павінен ацаніць працу сваіх падначаленых. Прэзыдэнт не патрабавала адказнасьці самога міністра.
Алесь Бяляцкі быў затрыманы ў Менску ў чацьвер, 4 жніўня. На падставе прадстаўленых Літвой дадзеных яго падазраюць ва ўтойваньні падаткаў.
Гэта пацьвердзіў агенцтву DELFI кіраўнік парлямэнцкай фракцыі кансэрватараў Юргіс Разма і старшыня камітэту Арвідас Анушаўскас.
Па словах палітыкаў, самае важнае – усталяваць, чаму не спрацавалі мэханізмы, якія павінны былі прадухіліць інцыдэнт, і якія заплямілі Літву.
Міністар юстыцыі Рэмігіюс Шымашус не сьпяшаецца вінаваціць сваіх падначаленых у сувязі зь перадачай інфармацыі Беларусі. Міністар прыносіць свае прабачэньні за інцыдэнт і абяцае Бяляцкаму і іншым дзеячам апазыцыі дапамогу.
Акрамя гэтага, Шымашус лічыць, што гэты інцыдэнт выгадны Расеі.
Міністэрства юстыцыі сьцьвярджае, што ня мае намеру пачынаць унутранае расьсьледаваньне па гэтым інцыдэнце. Міністэрства прызнае, што ў чэрвені атрымала папярэджаньне МЗС не дапамагаць службам Беларусі, але было ўжо позна, бо беларускі бок атрымаў запытаную інфармацыю яшчэ ў сакавіку.
Прэзыдэнт Даля Грыбаўскайце сьцьвярджала, што пасьля выдачы інфармацыі Беларусі Шымашус павінен ацаніць працу сваіх падначаленых. Прэзыдэнт не патрабавала адказнасьці самога міністра.
Алесь Бяляцкі быў затрыманы ў Менску ў чацьвер, 4 жніўня. На падставе прадстаўленых Літвой дадзеных яго падазраюць ва ўтойваньні падаткаў.
