Міністры замежных справаў краінаў Эўразьвязу на сустрэчы ў Люксэмбургу пашырылі абсяг санкцыяў супраць Беларусі, замарозіўшы актывы трох кампаніяў, якія зьвязаны з Аляксандрам Лукашэнкам.
Гэтае рашэньне прынятае з мэтай узмацненьня фінансавага ціску на беларускія ўлады, каб вымусіць іх спыніць рэпрэсіі супраць апазыцыі. Вырашана таксама дадаць у «чорны сьпіс» 188-мі невыязных беларускіх службоўцаў яшчэ некалькі бізнэсоўцаў.
Такім чынам эўрапейскія санкцыі ўпершыню закрануць бізнэсовы сэктар: пад іх дзеяньне падпадае Лукашэнкаў эканамічны дараднік Уладзімер Пефціеў і тры ягоныя фірмы, якія зьвязаныя з гандлем зброяй (Белтэхэкспарт), інвэстыцыйным бізнэсам («БТ Тэлекамунікацыі») і лятарэйным бізнэсам (Спорт-Пары). Прозьвішчы трох бізнэсоўцаў, якія таксама падпалі пад візавую забарону Эўразьвязу, будуць пададзеныя да агульнага ведама неўзабаве.
У рэзалюцыі міністраў замежных справаў Эўразьвязу гаворыцца, што гандлёвае эмбарга супраць Беларусі накладаецца «на зброю і на матэрыялы, якія могуць быць скарыстаныя для ўнутраных рэпрэсій».
Міністры таксама пацьвердзілі сваю ранейшую пазыцыю, што Эўрапейскі інвэстыцыйны банк зможа працягваць сваю дзейнасьць у Беларусі толькі пасьля станоўчага заключэньня Брусэлю наконт сытуацыі з правамі чалавека ў краіне.
Адначасова рэзалюцыя падкрэсьлівае, што будзе працягвацца донарская дапамога Эўразьвязу для грамадзянскай супольнасьці ў Беларусі.
Рэзалюцыя таксама прапануе беларускім уладам пачаць канструктыўны дыялёг наконт спрашчэньня візавага рэжыму для некаторых катэгорый грамадзянаў і наконт рэадмісіі.
Рэзалюцыя асуджае судовыя справы па закрыцьці «Нашай Нівы» і «Народнай Волі» ды працэс над журналістам Андрэем Пачобутам.
Міністар замежных справаў Польшчы Радаслаў Сікорскі паведаміў у твітэры: «Мы ўхвалілі эмбарга на гандаль зброяй і замарозілі актывы фірмаў, якія фінансуюць Лукашэнку. Ён мусіць выбраць дарогу: да дэмакратыі або ў Гаагу».
Гэтае рашэньне прынятае з мэтай узмацненьня фінансавага ціску на беларускія ўлады, каб вымусіць іх спыніць рэпрэсіі супраць апазыцыі. Вырашана таксама дадаць у «чорны сьпіс» 188-мі невыязных беларускіх службоўцаў яшчэ некалькі бізнэсоўцаў.
Такім чынам эўрапейскія санкцыі ўпершыню закрануць бізнэсовы сэктар: пад іх дзеяньне падпадае Лукашэнкаў эканамічны дараднік Уладзімер Пефціеў і тры ягоныя фірмы, якія зьвязаныя з гандлем зброяй (Белтэхэкспарт), інвэстыцыйным бізнэсам («БТ Тэлекамунікацыі») і лятарэйным бізнэсам (Спорт-Пары). Прозьвішчы трох бізнэсоўцаў, якія таксама падпалі пад візавую забарону Эўразьвязу, будуць пададзеныя да агульнага ведама неўзабаве.
У рэзалюцыі міністраў замежных справаў Эўразьвязу гаворыцца, што гандлёвае эмбарга супраць Беларусі накладаецца «на зброю і на матэрыялы, якія могуць быць скарыстаныя для ўнутраных рэпрэсій».
Міністры таксама пацьвердзілі сваю ранейшую пазыцыю, што Эўрапейскі інвэстыцыйны банк зможа працягваць сваю дзейнасьць у Беларусі толькі пасьля станоўчага заключэньня Брусэлю наконт сытуацыі з правамі чалавека ў краіне.
Адначасова рэзалюцыя падкрэсьлівае, што будзе працягвацца донарская дапамога Эўразьвязу для грамадзянскай супольнасьці ў Беларусі.
Рэзалюцыя таксама прапануе беларускім уладам пачаць канструктыўны дыялёг наконт спрашчэньня візавага рэжыму для некаторых катэгорый грамадзянаў і наконт рэадмісіі.
Рэзалюцыя асуджае судовыя справы па закрыцьці «Нашай Нівы» і «Народнай Волі» ды працэс над журналістам Андрэем Пачобутам.
Міністар замежных справаў Польшчы Радаслаў Сікорскі паведаміў у твітэры: «Мы ўхвалілі эмбарга на гандаль зброяй і замарозілі актывы фірмаў, якія фінансуюць Лукашэнку. Ён мусіць выбраць дарогу: да дэмакратыі або ў Гаагу».
