Генэральная пракуратура Беларусі прыняла да вытворчасьці крымінальную справу па факце выбуху на заводзе "Пінскдрэў-ДСП".
Матэрыялы справы, заведзенай паводле артыкулаў аб парушэньні правілаў вытворча-тэхнічнай дысцыпліны і правілаў бясьпекі на выбухованебясьпечных прадпрыемствах, перададзеныя ў Генпракуратуру з пракуратуры Берасьцейскай вобласьці, якая дагэтуль праводзіла расьсьледаваньне.
Начальнік аддзелу інфармацыі і сувязяў з грамадзкасьцю Генпракуратуры Пётра Кісялёў паведаміў БелаПАНу, што 25 кастрычніка на месца здарэньня выяжджала брыгада сьледчых Генэральнай пракуратуры, а таксама спэцыялісты-выбухатэхнікі МУС. Яны ўдзельнічалі ва ўсіх сьледчых мерапрыемствах, аглядзе месца здарэньня.
Паводле дадзеных Міністэрства надзвычайных сытуацыяў, магчымая прычына здарэньня — "выбух драўнянага пылу ў выніку парушэньня рэжыму эксплюатацыі абсталяваньня".
У Савеце бясьпекі Беларусі створана камісія па расьсьледаваньні прычын здарэньня, якая 15 лістапада павінна далажыць вынікі расьсьледаваньня.
Уласную камісію па расьсьледаваньні прычын трагедыі стварыла і кіраўніцтва кампаніі "Пінскдрэў".
Выбух у цэху ДВП канцэрну "Пінскдрэў" здарыўся 25 кастрычніка.
Загінулі 14 чалавек. Шасьцёра ў цяжкім стане застаюцца ў шпіталях Берасьця і Менску.
3 лістапада свае спачуваньні выказаў Аляксандар Лукашэнка. Аднак нацыянальная жалоба ў Беларусі не абвешчаная.
Матэрыялы справы, заведзенай паводле артыкулаў аб парушэньні правілаў вытворча-тэхнічнай дысцыпліны і правілаў бясьпекі на выбухованебясьпечных прадпрыемствах, перададзеныя ў Генпракуратуру з пракуратуры Берасьцейскай вобласьці, якая дагэтуль праводзіла расьсьледаваньне.
Начальнік аддзелу інфармацыі і сувязяў з грамадзкасьцю Генпракуратуры Пётра Кісялёў паведаміў БелаПАНу, што 25 кастрычніка на месца здарэньня выяжджала брыгада сьледчых Генэральнай пракуратуры, а таксама спэцыялісты-выбухатэхнікі МУС. Яны ўдзельнічалі ва ўсіх сьледчых мерапрыемствах, аглядзе месца здарэньня.
Паводле дадзеных Міністэрства надзвычайных сытуацыяў, магчымая прычына здарэньня — "выбух драўнянага пылу ў выніку парушэньня рэжыму эксплюатацыі абсталяваньня".
У Савеце бясьпекі Беларусі створана камісія па расьсьледаваньні прычын здарэньня, якая 15 лістапада павінна далажыць вынікі расьсьледаваньня.
Уласную камісію па расьсьледаваньні прычын трагедыі стварыла і кіраўніцтва кампаніі "Пінскдрэў".
Выбух у цэху ДВП канцэрну "Пінскдрэў" здарыўся 25 кастрычніка.
Загінулі 14 чалавек. Шасьцёра ў цяжкім стане застаюцца ў шпіталях Берасьця і Менску.
3 лістапада свае спачуваньні выказаў Аляксандар Лукашэнка. Аднак нацыянальная жалоба ў Беларусі не абвешчаная.
