"У часе экспэртызаў мы спраўдзілі экалягічныя і сэйсьмічныя фактары, бясьпеку, доступ да запасаў вады, дэмаграфічны фактар ды іншыя тэхнічныя моманты", -- заявіў віцэ-прэм'ер польскага ўраду Вальдэмар Паўляк.
Пабудаваць у Жарнаўцы АЭС плянавалася яшчэ ў сярэдзіне 1980-х гадоў, але ў ПНР гэты праект так і не быў рэалізаваны.
Кошт праекту – каля 20 мільярдаў эўра. Паўстане АЭС у 2020 годзе. Ужо цяпер вядучыя ўсясьветныя канцэрны, перадусім з Францыі і ЗША, змагаюцца за права пабудаваць першую польскую атамную электрастанцыю.
