2010 ў газэтных загалоўках

pistonczyk

Навагодняе

Рыгор Галабецкі выйграў у лятарэю набор прышчэпак і гепатыт.

Параненая сьвіньня скокнула з балькона і прыдушыла пэнсіянэрку.

15% беларусаў не сустрэлі Новы год зь фізіялягічных прычын.

Сэнсацыі

Максім Багдановіч памёр у 1983 годзе ў Амстэрдаме.

Пад Берасьцейскай крэпасьцю знойдзена радовішча нафты.

Мэрам Бабруйску стала жывёліна.

Скандалы

У Лынтупах бязь вестак прапалі ўсе жыхары.

Палітыка

Згодна з новымі правіламі арфаграфіі слова “Прэзідэнт!” пішацца толькі з клічнікам.

Новаму міністру ўнутраных спраў усяго шэсьць гадоў.

Эканоміка

Нацыянальны банк купіў мумію Леніна.

Мяняць буракі на моркву нявыгадна.

Да “Дажынак” дажывае 70% камбайнэраў.

Людзі

Сям’я Валковічаў перастала мыць ногі.

Ніна Дармулька ня голіць вусоў.

Бізнэсмэн Руслан Капельчык зьмяніў пол уласнай жонцы.

Адукацыя

Па просьбах працоўных у алфавіце скасавана 12 лішніх літар.

На ўступных экзамэнах уведзеныя будкі з суфлёрам.

Гісторыя

Продкі беларусаў ня мелі продкаў.

Культура

Міністар культуры выявіўся сволаччу.

Крымінал

Сэрыйны маньяк заблукаў у спальным раёне сталіцы.

Прырода

Лясьнік у Налібоцкай пушчы застрэліў апошняга партызана.

Бяздомныя сабакі прынялі міністра за свайго.

Чарнобыльская зона вітае гасьцей!

Тэхналёгіі

На чыгуначных вакзалах краіны пачалі працаваць пасткі для бамжоў.

Пэнсійны ўзрост цяпер вызначаюць на адмысловым дэтэктары.

Здароўе

700 грамаў гарэлкі замяняюць 8-гадзінны працоўны дзень.