Ашчадны банк Расеі дасьць Беларусі 2 мільярды даляраў крэдыту

Гэта прадугледжана інвэстыцыйным пагадненьнем паміж урадам Беларусі і Ашчадным банкам Расеі, якое падпісанае 11 сьнежня ў Менску разам з дамовай аб продажы БПС-Банку Ашчаднаму банку РФ за 280,73 млн. даляраў.

Ашчадны банк набыў 93,3% акцыяў БПС-Банку.

БПС-Банк створаны ў сьнежні 1991 году. Банк займае 4-е месца сярод 32 беларускіх банкаў паводле памераў актываў, нагадвае Інтэрфакс.