Сусьветны эканамічны форум у супрацоўніцтве з Гарвардзкім унівэрсытэтам і Унівэрсытэтам штату Каліфорнія ў Бэрклі апублікаваў чарговы штогадовы глябальны індэкс гендэрнай няроўнасьці за 2009 год.
У справаздачы ўлічаныя чатыры сфэры няроўнасьці паміж мужчынамі і жанчынамі:
- магчымасьці ў эканамічнай дзейнасьці;
- магчымасьці ў галіне адукацыі;
- прысутнасьць у палітыцы;
- здароўе і працягласьць жыцьця.
Найбольшая роўнасьць у сьвеце зафіксаваная ў скандынаўскіх краінах – Ісьляндыі, Фінляндыі, Нарвэгіі ды Швэцыі, якія застаюцца ў першай чацьвёрцы лідэраў ўжо некалькі гадоў запар. З постсавецкіх краінаў найвышэй стаіць Латвія (14). Беларусь сёлета – 34-я, што азначае нязначнае аслабленьне пазыцый у параўнаньні зь мінулым годам (33), калі адбылася значная страта ў параўнаньні зь індэксам 2007 году (23-е месца). Іншыя суседзі Беларусі: Літва на 30-м месцы, Польшча – на 50-м, Расея на 51-м месцы, Украіна – на 61-м. Поўны сьпіс краінаў можна паглядзець ТУТ.
