Як паведамляе БелаПАН, старшыня грамадзкага аб`яднаньня Антон Астаповіч атрымаў адказ Мінкультуры за подпісам намесьніка міністра Ўладзіміра Грыдзюшкі.
У лісьце сярод іншага адзначаецца: "Для арганізацыі канструктыўнага абмеркаваньня лічым мэтазгодным папярэдне прадставіць у Міністэрства культуры пералік пытаньняў, па якіх будзе весьціся размова, што і дазволіць вызначыць час правядзеньня азначанай сустрэчы".
Антон Астаповіч паведаміў, што 12 чэрвеня ён накіроўваў ліст непасрэдна міністру. У звароце ўтрымлівалася інфармацыя пра парушэньні заканадаўства ў галіне аховы гісторыка-культурнай спадчыны і просьба пра асабістую сустрэчу.
Той факт, што адказ атрыманы з ўпраўленьня па ахове гісторыка-культурнай спадчыны і рэстаўрацыі Міністэрства культуры і за подпісам намесьніка міністра, можа азначаць, што сустрэча можа адбыцца на іншым ўзроўні, мяркуе Астаповіч.
БелаПАН цытуе Антона Астаповіча, які сказаў, што "гэтыя пытаньні мае сэнс абмяркоўваць толькі з удзелам менавіта міністра. Пры гэтай умове грамадзкае аб`яднаньне возьме на сябе падрыхтоўку парадку дня сустрэчы".
У лісьце сярод іншага адзначаецца: "Для арганізацыі канструктыўнага абмеркаваньня лічым мэтазгодным папярэдне прадставіць у Міністэрства культуры пералік пытаньняў, па якіх будзе весьціся размова, што і дазволіць вызначыць час правядзеньня азначанай сустрэчы".
Антон Астаповіч паведаміў, што 12 чэрвеня ён накіроўваў ліст непасрэдна міністру. У звароце ўтрымлівалася інфармацыя пра парушэньні заканадаўства ў галіне аховы гісторыка-культурнай спадчыны і просьба пра асабістую сустрэчу.
Той факт, што адказ атрыманы з ўпраўленьня па ахове гісторыка-культурнай спадчыны і рэстаўрацыі Міністэрства культуры і за подпісам намесьніка міністра, можа азначаць, што сустрэча можа адбыцца на іншым ўзроўні, мяркуе Астаповіч.
БелаПАН цытуе Антона Астаповіча, які сказаў, што "гэтыя пытаньні мае сэнс абмяркоўваць толькі з удзелам менавіта міністра. Пры гэтай умове грамадзкае аб`яднаньне возьме на сябе падрыхтоўку парадку дня сустрэчы".
