Арцём Дубскі не выключае, што суд над ім адбудзецца ўжо заўтра, 12 траўня, завочна. Затрыманай разам з Дубскім ягонай сяброўцы Тацяне Касінчук з Украіны абвінавачаньня не выстаўлялі.
“Пасьля складаньня пратаколу мяне адпусьцілі. Сёньня ўвечары я буду ў Менску і зноў далучуся да галадоўнікаў”, — паведаміў актывіст Радыё Свабода.
Арцём Дубскі разам яшчэ з трыма актывістамі “Маладога фронту” пачаў бестэрміновую галадоўку салідарнасьці зь Мікалаем Аўтуховічам тыдзень таму, 4 траўня. Зараз гэтую галадоўку падтрымалі ўжо болей за 20 чалавек.
