Па выніках перамоваў паміж Аляксандрам Лукашэнкам і Уга Чавэсам падпісаны мэмарандум пра ўзаемапаразуменьне паміж вытворчым аб'яднаньнем “Беларусьнафта” і вэнэсуэльскай нафтавай кампаніяй “Petroleos de Venezuela SA”. У ім гаворыцца пра далучэньне дадатковых плошчаў да сумеснага беларуска-вэнэсуэльскага прадпрыемства па здабычы нафты. Першы віцэ-прэм'ер Уладзімер Сямашка заявіў, што згодна з гэтым дакумэнтам дададуцца тры новыя радовішчы, якія дазволяць падвоіць магутнасьць і здабываць два мільёны тон нафты.
Камэнтуючы эканамічныя дамоўленасьці, кіраўнік цэнтру Мізэса Яраслаў Раманчук заявіў:
“Чыноўнікі, намэнклятура вышэйшага роўню дамаўляюцца пра тое, як рабіць бізнэс, ігнаруючы, па сутнасьці, пытаньні бюджэту, сацыяльныя пытаньні, пытаньні канкурэнцыі. Гэта тое, што і робіцца ў рэчышчы такіх аўтарытарных дзяржаў як Расея, Вэнэсуэла і Беларусь. І таму на думку асобаў, якія кіруюць нашым нафтакомплексам, гэта добра. Але з пункту гледжаньня простага насельніцтва гэта не прывядзе да таго, каб цэны на паліва ў Беларусі зьнізіліся на 30%. Тое, што яны робяць, гэта іх добрыя гешэфты ў межах гэтай далёкай антыамэрыканскай сацыялістычнай дугі”.
Прымаючы Уга Чавэса, Аляксандар Лукашэнка заявіў:
7“Уга, яшчэ раз хачу табе сказаць, што, вядома ж, мы прагматыкі, і мы свае дзеяньні эканамічна, фінансава пралічваем. Але ты павінен ведаць, што апроч усёй гэтай эканомікі ў цябе ў Беларусі самыя надзейныя сябры. Калі трэба, мы па-сяброўску, па-брацку можам вырашыць любое пытаньне, якое здольныя, для Вэнэсуэлы, для цябе”.
А.Лукашэнка і У.Чавэс паміж сабою на “ты”. Адзін аднаго яны называюць сябрамі і братамі. Уга Чавэс сказаў, што яму ў Менску “спакойна і ціхамірна”.
“На шчасьце, гегеманісцкія прэтэнзіі імпэрыялістаў праваліліся, амэрыканскі імпэрыялізм працягвае сваё падзеньне. І наадварот, падымаецца сьвет, які прэзыдэнт Мядзьведзеў называе поліцэнтрычным”, — заявіў Уга Чавэс.
Кіраўнік Беларусі адзначыў, што разьвіцьцё шматплянавых стасункаў з Вэнэсуэлай — адзін з прыярытэтных напрамкаў зьнешняй палітыкі Беларусі. Ён заявіў пра разьвіцьцё стратэгічнага альянсу паміж Беларусьсю і Вэнэсуэлай. Уручаючы Чавэсу ордэн Дружбы народаў, Лукашэнка заявіў, што ніводзін дзяржаўны дзеяч ці прэзыдэнт не зрабіў для Беларусі столькі, колькі Уга Чавэс. Прэзыдэнт Вэнэсуэлы заклікаў Лукашэнку разам пазмагацца супраць “аднаго ворага — імпэрыялізму”. Паводле Чавэса, “гэта імпэрыялізм ЗША і тых краінаў, якія зьяўляюцца іх лёкаямі”.
Камэнтуючы гэтыя заявы, першы намесьнік старшыні Партыі БНФ Вінцук Вячорка адзначыў:
“Сёньня Чавэс фінансуе з нафтавых звышпрыбыткаў шмат дыктатураў. І адна зь іх — гэта кубінскі рэжым. І ў першую чаргу гэтым абумоўлены інтарэс Аляксандра Лукашэнкі да такіх пастаянных, інстытуцыянальных і афарбаваных нават асабіста кантактаў з Чавэсам. Чавэс не адразу ж у Менск прыляцеў, ён жа і ў Маскве пабываў. І мы бачым, якім чынам намячаецца на эўрапейскім кантынэнце зьвязка паводле непрыняцьця эўрапейскіх каштоўнасьцяў — свабоды, дэмакратыі і празрыстасьці”.
Уга Чавэс прывёз прывітаньне ад Фідэля Кастра Дзьмітрыю Мядзьведзеву, а ад Дзьмітрыя Мядзьведзева — Аляксандру Лукашэнку. Ён ня стаў камэнтаваць інфармацыю мэдыяў пра заключэньне кантракту з Расеяй у вайсковай сфэры на 30 мільярдаў даляраў. Гэтыя лічбы ён толькі назваў вар’яцкімі і сказаў, што “не зьбіраецца займацца ўсялякімі вычварэньнямі, якія распаўсюджваюць розныя агенцтвы”.
У перамовах браў удзел сустаршыня беларуска-вэнэсуэльскай камісіі высокага ўзроўню Віктар Шэйман, нядаўна адпраўлены ў адстаўку з пасады старшыні Савету бясьпекі. У зьвязку з гэтым эканаміст Яраслаў Раманчук не выключае, што падчас перамоваў паміж А.Лукашэнкам і У.Чавэсам абмяркоўваліся пытаньні гандлю зброяй.
Камэнтуючы эканамічныя дамоўленасьці, кіраўнік цэнтру Мізэса Яраслаў Раманчук заявіў:
Чыноўнікі, намэнклятура вышэйшага роўню дамаўляюцца пра тое, як рабіць бізнэс, ігнаруючы, па сутнасьці, пытаньні бюджэту, сацыяльныя пытаньні, пытаньні канкурэнцыі.
Прымаючы Уга Чавэса, Аляксандар Лукашэнка заявіў:
А.Лукашэнка і У.Чавэс паміж сабою на “ты”. Адзін аднаго яны называюць сябрамі і братамі. Уга Чавэс сказаў, што яму ў Менску “спакойна і ціхамірна”.
“На шчасьце, гегеманісцкія прэтэнзіі імпэрыялістаў праваліліся, амэрыканскі імпэрыялізм працягвае сваё падзеньне. І наадварот, падымаецца сьвет, які прэзыдэнт Мядзьведзеў называе поліцэнтрычным”, — заявіў Уга Чавэс.
Кіраўнік Беларусі адзначыў, што разьвіцьцё шматплянавых стасункаў з Вэнэсуэлай — адзін з прыярытэтных напрамкаў зьнешняй палітыкі Беларусі. Ён заявіў пра разьвіцьцё стратэгічнага альянсу паміж Беларусьсю і Вэнэсуэлай. Уручаючы Чавэсу ордэн Дружбы народаў, Лукашэнка заявіў, што ніводзін дзяржаўны дзеяч ці прэзыдэнт не зрабіў для Беларусі столькі, колькі Уга Чавэс. Прэзыдэнт Вэнэсуэлы заклікаў Лукашэнку разам пазмагацца супраць “аднаго ворага — імпэрыялізму”. Паводле Чавэса, “гэта імпэрыялізм ЗША і тых краінаў, якія зьяўляюцца іх лёкаямі”.
Камэнтуючы гэтыя заявы, першы намесьнік старшыні Партыі БНФ Вінцук Вячорка адзначыў:
Уга Чавэс прывёз прывітаньне ад Фідэля Кастра Дзьмітрыю Мядзьведзеву, а ад Дзьмітрыя Мядзьведзева — Аляксандру Лукашэнку. Ён ня стаў камэнтаваць інфармацыю мэдыяў пра заключэньне кантракту з Расеяй у вайсковай сфэры на 30 мільярдаў даляраў. Гэтыя лічбы ён толькі назваў вар’яцкімі і сказаў, што “не зьбіраецца займацца ўсялякімі вычварэньнямі, якія распаўсюджваюць розныя агенцтвы”.
У перамовах браў удзел сустаршыня беларуска-вэнэсуэльскай камісіі высокага ўзроўню Віктар Шэйман, нядаўна адпраўлены ў адстаўку з пасады старшыні Савету бясьпекі. У зьвязку з гэтым эканаміст Яраслаў Раманчук не выключае, што падчас перамоваў паміж А.Лукашэнкам і У.Чавэсам абмяркоўваліся пытаньні гандлю зброяй.
