“Копію прапановы я накіраваў старшыні Белтэлерадыёкампаніі
Аляксандру Зімоўскаму і кіраўніку Нацыянальнага прэс-цэнтру
Івану Сакалоўскаму. Мне падаецца, там — найбольш зручнае месца для такіх дэбатаў. А нагода для іх — сёньня споўнілася два гады, як былога кандыдата на прэзыдэнта Аляксандра Казуліна арыштавалі і зьмясьцілі ў турму. Мы дагэтуль лічым, што гэта быў незаконны арышт і незаконны прысуд”.
Нагадаем, улетку 2006 году Аляксандар Казулін быў асуджаны на 5,5 гадоў зьняволеньня за хуліганства і арганізацыю вулічных беспарадкаў. Сваёй віны палітык ніколі не прызнаваў. У Беларусі і сьвеце дамагаюцца вызваленьня Аляксандра Казуліна, якога лічаць вязьнем сумленьня.
