Мабільныя тэлефоны палітыка і ягонай жонкі Іны Кулей адключаныя. Тым часам жыхары Берасьця чакаюць сустрэчы зь ім.
“Больш як 100 чалавек сабраліся на пляцоўцы ля ўнівэрсаму “Юбілейны”, — паведаміў актывіст руху “За свабоду” Аляксей Кавалец. — Людзі атрымалі інфармацыю пра затрыманьні Аляксандра Мілінкевіча пад Івацэвічамі і Кобрынам. Кажуць, што будуць чакаць палітыка, колькі спатрэбіцца”.
Раней “Свабода” паведамляла, што міліцыянты двойчы затрымлівалі аўтамабіль, у якім Мілінкевіч накіроўваецца ў Берасьце на заплянаваную там сустрэчу.
