Пра гэта “Свабодзе” паведаміў актывіст руху “За Свабоду” Аляксей Кавалец. Суразмоўца адзначае, што міліцыянты правяраюць сапраўднасьць нумару аўтамабіля Volvo C90.
“Мілінкевіч карыстаецца аўтамабілем ужо два гады, – кажа спадар Кавалец, – міліцыянты добра інфармаваныя пра гэта, але відавочна, што яны атрымалі загад цягнуць час як найдаўжэй”.
“Свабода” паведамляла, што некаторы час таму Аляксандар Мілінкевіч быў дастаўлены ў Івацэвіцкі РАУС. Міліцыя склала пратакол, нібыта вадзіцель аўтамабіля праігнараваў патрабаваньне супрацоўнікаў ДАІ спыніцца.
На сёньня ў Берасьці былі загадзя прызначаныя сустрэчы Аляксандра Мілінкевіча з журналістамі, грамадзкімі актывістамі і гараджанамі.
