د مشال تر رڼا لاندې

په کورمه ايجنسۍ کي د وسله والو طالبانو پر ضد د پاکستاني پوځ له روان اپريشن څخه د دغه سيمي په زرګونو خلکو له خپلو کورونو څخه کډي کړې دي
یو عیني شاهد وايي د توپو په ډزو کې د یوې کورنۍ دوې ښځې ټپي شوېدي خو د نورو مرګ ژوبله په اړه رپوټونه نه دی راغلي

د پاکستان د اطلاعاتو پوځي څانګي ویاند بريګېډیېر عظمت علي مشال ريډيو ته ويلي وو د دې عملياتو موخه په کرمه ايجنسۍ کي د وسله والو طالبانو پټنځايونه له مينځه وړل دي.

کورمه ايجنسۍ د افغانستان پولي ته نږدي سيمه ده چي د پاکستا ن چارواکو له مخي ځايي او بهرنۍ وسلوالې ډلې په کي شتون لري.

د کرښې پر غاړه پروګرام همدې موضوع ته ځانګړی شوی چې میلمانه یې د کورمې د قامي اسمبلۍ غړی ساجد توري او خبریال اقبال خټک دی او کوربه یې شاهین بونېری دی.

په داسي حال کې چې پاکستان، افغانستان او امريکا له افغان طالبانو سره د سولي د بهیر د پر مخ وړلو لپاره د لارو چارولټولو هڅي کوي، ولسمشر حامد کرزي تور لګوۍ چې پر هيواد يې د پاکستان له لوري توغندي توغول کيږي.

بل خوا د پاکستان د بهرنيو چارو سيکټر سلمان بشير ويلي چې دا وخت په يو بل د تورونو لګولۍ نه دي.

د پاکستان او افغانستان د چارواکو تازه څرګندونو، په سيمه کي له طالبانو سره د جوړ جاړي هڅي او د نورو سياسي پر مختګونو په اړه د مشال تر رڼا لاندي بحث شوی دی.

په پاکستان کې د سياسي چارو کارپوهان سليم ساپۍ او ايمل خټک ، په افغانستان کې د سولي د عالي شوری يو غړی مولوي عطاوالله لودين او د سياسي چارو کارپوه ودير ساپی د بحث ميلمانه دي.

د بحث کوربه عبدالحی کاکړ دی.