نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
نن د جمعې پر ورځ د پکتیکا ولایت مرکز شرنې په ښار کې د حکومتي چارواکو او خلکو په ګډون د حکومتي ادارو او د ښار د پاکولو پراخه حشر یا پګړه ترسره شوه.
د هرې ورځې په تیریدو د افغانستان په ښارونو کې په چټکۍ د خلکو میشته کېدل ډیریږي او په پلاني او غیر پلاني ډول په کې استوګنیزې او سوداګریزې ودانۍ جوړیږي، چې دې کار د منظمو ښاري خدمتونو په وړاندې کولو کې افغان حکومت له ستونزو سره مخامخ کړی دی.
په خوست کې یو شمېر بې وزله او غریبانان وايي، چې دوی د ماښام د روژه ماتي له پاره په ډېرو مشکلاتو خواړه پیدا کوي او یا د شتمنو او مالداره خلکو په صدقه او خیرات روژه ماتی کوي.
نن د سېشنبې پر ورځ د خوست یو شمېر مدني فعالانو د روژې د مبارکې میاشتې په مناسبت د یاد ولایت له سوداګرو او دوکاندارانو څخه راټوله کړې د غنمو مرسته پر غریبو او بې وزله کورنیو وویشله.
د دوشنبې پر ورځ ناوخته د خوست ولایت د تڼیو ولسوالۍ د حصارک په سیمه کې یو تن پخوانی جهادي قوماندان او قومي مشر دلاروشاه د نامالومو وسلوالو له لوري د خپل زوی او وراره سره یو ځای ووژل شو.
د خوست د ښاروالۍ ریاست چارواکي وايي، چې یاده اداره به د ښار د کوڅو او لارو ټول سړکونه چې د وخت په تیریدو مات شوي یا زیانمن شوي دي، بېرته له سره ورغوي.
د خوست په محبس کې یو شمېر بندیان وايي، چې اکثره زندانیان په شخصي دښمنیو نیول شوي او پرته له دې چې د دوی د جرمونو په اړه کره ثبوتونه موجود وي، د عدلي او قضايي ادارو له خوا بندیان شوي دي.
د پکتیکا ولایت د مرکز او یو شمېر ولسوالیو ګڼو مخورو او قومي مشرانو له ځايي ادارې وغوښتل، تر څو د هغو کسانو مخه ونیسي، چې د خپلو شخصي ګټو د خوندي کولو له پاره په پرله پسې توګه مرکزي حکومت ته شکایتونه کوي، لاریونونه ترسره کوي او ځني وخت قومي مشکلاتو ته لمن وهي.
نن د چارشنبې پر ورځ د خوست ولایتي شورا استازو او د یو شمېر مدني ټولنو او شوراګانو غړو د یوې خبري ناستې له لارې د مرکزي حکومت نه وغوښتل، چې د خوست له خلکو سره خپلې کړې ژمنې عملي کړي.
د سېشنبې پر ورځ د خوست د لکڼو د سیمې د ایوبخېلو د خوړ پر سر لوی پل له جوړولو وروسته ګټې اخیستنې ته وسپارل شو، یاد پل چې اتیا متره اوږدوالۍ او اته متره پلنوالۍ لري، د نړیوال بانک له خوا د څه د پاسه ۴۴ میلیونه افغانیو په لګښت په نهو میاشتو کې جوړ شوی دی.
په خوست کې یو شمېر هغه په نشو روږدي کسان چې د معتادینو ودان روغتون کې يې پخوا درملنه شوې، وايي وزګارتوب او بې کارۍ بیرته نشو ته ګرځولي دي.
د خوست د ولایتي شورا او مدني ټولنو غړي وايي، چې دوی به په خپلو کې د همغږۍ او ملګرتوب د ډېرولو له لارې د خلکو د ستونزو د حلولو او د مرکزي حکومت څخه د خپلې سیمې د حقونو د ترلاسه کولو له پاره کار وکړي.
د خوست په مرکز او ولسوالیو کې یو شمیر حکومتي باغونه چې پخوا به ګڼ خلک د تفریح او ساعتیرۍ لپاره ورتلل، د تفریح ښه ځایونه یې درلودل او ډول ډول میوې پکې وې، اوس د مسئولو ادارو د نه پاملرنې له کبله د ویجاړیدو له ګواښ سره مخامخ دي.
بېګاه د پنجشنبې په شپه د خوست ښار په جنوبي څنډه کې د لرګیو د منډیی په هغه برخه کې چې د دروازو او کړکیو د جوړولو کوچنۍ کارخانې په کې دي، د اور د لګیدو له کبله شخصي خلکو ته په کې درانه مالي زیانونه واوښتل.
د سېشنبې په ورځ د پکتیکا ولایت په یوسف خېلو ولسوالۍ کې د یاد ولایت د کلیو او پراختیا ریاست په چوکاټ کې د ثبات برنامې له لورې د درې سوه مترو په اوږدوالي د اوبه رسولو ویاله تر جوړولو وروسته ګټې اخستنې ته وسپارل شوه.
د شنبې په ورځ خوست کې د یو شمېر کشفي ادارو سرتیرو او پولیسانو له ښاره لسګونه سوالګرې ټولې کړې.
د جمعې پر ورځ د پکتیکا د ولایتي شورا غړو، یو شمېر دیني عالمانو، قومي مشرانو او مدني فعالانو د یوې خبري ناستې له لارې د مرکزي حکومت څخه وغوښتل، چې د دې ولایت له پاره بېرته پخواني والي عبدالکریم متین ورولیږي، ځکه دوی متین د یاد ولایت حالاتو او غوښتنو ته په کتو د ولایت د رهبریت له پاره وړ شخص ګڼي.
د پکتیکا په مرکز ښرنه کې د حضرت بلال ښوونځي له پاره د دیارلسو میلیونو افغانیو په لګښت د نړیوال بانک په مالي لګښت نوې ودانۍ جوړه او ګټې اخیستنې ته وسپارل شوه.
نن د پنجشنبې پر ورځ سهار وختي یو شمېر وسله والو د پکتیکا ولایت د اومنې ولسوالۍ په مربوطاتو کې پر امنیتي پوستو ډله ییز بریدونه کړي، چې د افغان ځواکونو په ځوابي عمل کې د وسلوالو د دوو قوماندانانو فاتح او کاروان په ګډون پنځلس تنه وژل شوي او اوه نور ټپیان شوي دي.
نور وښیئ
