فرهاد شینواری په خیبر کې د مشال راډیو خبریال دی او د هم هغې سیمې پر سیاسي، اقتصادي او ټولنیزو موضوعاتو خبریالي کوي.
د حمزه بابا د ۲۵ تلین د لمانځلو په پلمه په لولړګي کې یوه غونډه وشوه چې پکې د پشتو ژبې اوسمهالو لیکوالو خبرې وکړې.
د پاکستان او افغانستان د سوداګرۍ او صنایعو خونو مشر وايي، د دواړو هېوادونو تر منځ د سوداګرۍ کمېدو لامل دا دی چې پاکستان د ټرانزېټ سوداګرۍ په موافقه کې داسې مشکلات پیدا کړي ول
باړې او تیرا سره تعلق لرونکي سیکان وایي، هلته د دوی شاوخوا تر ۱۵۰ کورنیو ژوند کاوه خو اوس بې ځایه شوي دي.
د خیبر د باړې د خبریالانو مرکز شاوخوا ۱۰ کاله وروسته بیا پرانیستل شوی دی. امنیتي او انتظامي چارواکو د جنورۍ پر ۱۹مه خبریالانو ته مرکز وسپاره چې پکې د هغوی هلې ځلې پخوا درېدلې وې. د باړې د خبریالانو مرکز مشر خیال مت شاه اپریدی وايي، د ناامنیو له کبله خبریالان له مشکلاتو سره مخامخ ول.
د جنورۍ پر اوومه د خیبر په باړه کې شاوخوا ۱۰ کاله وروسته د څارویو مېله لګېدلې ده. منتظمین وايي، دا مېله پخوا دومره مشهوره وه چې له کندهار او خوسته به هم خلک ورتلل او د څارویو او مرغانو سوداګانې به یې کولې. د باړې د دې مېلې په اړه ویډیويي رپورټ وګورئ.
د خیبر قبایلي ضلعې د تعلیم محکمې چارواکي وایي چې په خېبر کې د پنځو کالجونو په کډون ټولې ۶۷۴ تعلیمې ادارې شته چې په دې کې شاوخوا۱۵۰سرکاري سکولونو ته وسله والو زیان اړولې و او ۶۸ یې په بشپړه توګه له منځه وړي.
د خیبر د باړې ۲۶ کلن شېر عالم اپریدی شاوخوا دوه کاله مخکې له کوره ووت او په ناقانونه توګه اروپه ته روان شو. کورنۍ یې وايي، د ۲۰۱۷ز کال په مارچ کې هغه ایران کې وو چې ورسره یې رابطه پرې شوه.
د خیبر ټرانسپورټرانو او حکومتي چارواکو ترمنځ تر خبرو اترو وروسته مظاهره چیانو خپل احتجاج ختم کړی او د خیبر او تورخم ترمنځ لار یې د ټریفک لپاره خلاصه کړې ده.
د قبایلي سیمې خیبر ټرانسپورټرانو په سیمه کې د (اېن اېچ اې) د ټول پلازې او له ډرېورانو څخه د ټیکسونو پر اخیستو نیوکه کړې.
د ډېسېمبر پر ۱۹مه د خیبر قبایلي ضلعې په لواړګي کې ولسي جرګه وشوه چې یو شمېر چارواکو او ځایي مشرانو پکې ګډون وکړ.
د قبایلي سیمو د ځوانانو جرګې مشران او غړي وايي، په اکتوبر کې د امریکا تعلیمي سفر ورزده کړل چې محلي حکومتداري څنګه کېږي او اصلاحات په څه ډول عملي کېدای شي. دوی مشال راډیو ته وویل، هڅه کوي چې تر لاسه کړې تجربه په قبایلو کې او د خلکو د ژوند ښه کولو لپاره وکاروي. د دوی په خبرې په ویډیو کې وګورئ.
د نومبر پر ۱۵مه، د پولیس افسر طاهر خان داوړ د جنازې لمونځ دوه ځلې وشو. لومړی سرکاري چارواکو یې د جنازې لمونځ وکړ او وروسته ماخوستن مهال یې د کورنۍ غړو او خپلوانو سره د ګڼو مشرانو او فعالانو جنازه وکړه او بیا یې خاورو ته وسپاره. ویډیويي رپورټ وګورئ.
د نومبر پر ۱۵مه، په پېښور کې د خیبر پښتونخوا د پولیسو افسر طاهر داوړ د جنازې دوه لمونځونه وشول. لومړی، ماښام مهال، د پاکستان لوړپوړو
په تورخم کې چارواکي وايي د خوګاخېلو د قام د مظاهرې له وجې يې نن (د اکتوبر په دېرشمه) د لږ وخت لپاره د تورخم دروازه تړلې وه. دغه چارواکي د نوم نه خپرولو په شرط مشال راډيو ته نن وويل چې کوښښ کوي د مظاهره چيانو ستونزې حل کړي.
پاکستاني چارواکو د اکتوبر پر ۲۱مه وویل چې د افغانستان سره یې د تورخم او خرلڅو لارې یو وار بیا د مساپرو د تګ راتګ او د سامانونو د لېږدولو په موخه خلاصې کړې دي. دا لارې د افغانستان د انتخاباتو د بهیر د امنیت په موخه د اکتوبر پر ۲۰۹ تړل شوې وې.
د خیبر قبایلي سیمې د شاکڅ او نورو سیمو اوسېدونکي وايي، د حیات اباد د صنعتي سیمې کارخانې زهرجن لوګي او ګیسونه خارجوي چې د دوی ژوند یې اغېزمن کړی دی. دوی مشال راډیو ته وویل، لوګي او ګیسونو ورته د سا ناروغۍ پیدا کړې دي. د خیبر پښتونخوا د چاپېریال چارو اداره وايي، پخوا یې هم د دې کارخانو پر ضد اقدام کړی او اوس بیا هڅه کوي چې د زهرجنو ګیسونو اخراج مخه ونیسي. ویډیويي رپورټ.
د اګست پر ۱۲مه، الحاج شاجي ګل، په جمرود کې، د خپلو پلویانو یوې جلسې ته وویل، د قامي اسمبلۍ ۴۳مې حلقې په نتایجو کې درغلي شوېده چې دوی یې ثبوتونه هم لري. خو بل پلو الېکشن کمېشن دا تورونه رد کړي او له دغې حلقې یې د پاکستان تحریک انصاف پیر نورالحق قادري بریالی اعلان کړی دی.
د پېښور ځينو پوهنتونونو او کالجونو زده کونکیو په حيات اباد کې د مهرباني دېوال په جوړولو سره هر ماښام د بېوزله خلکو لپاره د روژه ماتي بندوبست کوي. دغه ځوانان په خپل سر او د ځينو شتمنو کسانو په مالي مرسته روژه ماتی جوړوي.
د لواړګي پوهان تواب شاه مسرور شینواري په پېښور پوهنتون کې د خپلې دوکتورا یا ډاکترۍ څېړنې دفاع کړې. دی وايي، د څېړنیزې مقالې موضوع یې ((حمزه بابا او جمالیات)) ده. د ده د څېړنې لارښود پوهاند ډاکتر پروېز مهجور خوېشکی وو چې وايي، مسرور په ډېر زیار کار کړی. له مسرور سره د ده د څېړنې په اړه ویډیويي مرکه
د پاکستان پخواني وفاقي وزیر او قبایلي مشر حمیدالله جان افریدي د یکشنبې په ورځ په پېښور کې خبري غونډې ته وویل، دوی په دې بسنه او قناعت نه کوي چې ګواکې حکومت د های کورټ او سپریم کورټ واک تر قبایلي سیمو وغځولو. ده زیاته کړه، حکومت دې قبایلو ته ځانله صوبه ورکړي چېرته چې د هغوی د خوښې مطابق قوانین جوړ کړ
نور وښیئ
