عمر وزیر د مشال راډیو خبریال دی چې د شمالي وزیرستان، بنو او لکي مروت پر امنیت، اقتصاد، سیاسي او ټولنیزو چارو رپورټونه جوړوي.
په میرامشاه کې یو پوځي چارواکي د نوم پټ ساتلو په شرط مشال راډیو ته وویل چې د یادې کمپنۍ څلورو کارکوونکیو د میرامشاه تحصیل انغرکلي سره نږدې د تیلو او ګیس سروې کوله، چې د راستنیدو په وخت وسله والو تښتولي ول خو امنیتي ځواکونو تیره شپه (د جنورۍ پر ۲۰مه) په عملیاتو کې څلور واړه بازیاب کړي
ځايي خلک وايي په دې تېرو څو ورځو کې پر سړکونو داسې حالت جوړ شوی دی لکه په شمالي وزیرستان کې چې کله د ضرب عضب په نامه پوځي عملیات کېده.
سدوزي وویل چې وزیر د جنورۍ پر ۱۹مه د ضمانت لپاره عدالت ته وړاندې شو خو عدالت یې غوښتنلیک رد کړ او په څلورواړه مقدمو کې یې د پلټنو لپاره پولیسو ته وسپاره.
په شمالي وزیرستان کې له تېرو شاوخوا څلورو کلونو راهیسې امنیتي وضعیت خراب دی او پکې هر کال لسګونه هدفي حملې کېږي. په همدې حال کې د امنیتي ځواکونو عملیات هم روان دي.
د خيبر پښتونخوا له مشهورو خوراکونو د بنو حلوه هم ده. مينه وال یې دومره ډير دي چې د بنو د دې حلوه دکان مالک وايي په يخنۍ کې له ۳۰۰ څخه تر ۴۰۰ کيلو پورې خرڅوي. په ځانګړې ډول تيارېدونکې دې حلوه ته سپين سرې حلوه ويل کيږي. نور حال یې د عمردراز وزیر په ويډيو راپور کې وګورئ.
د ړنګ بازار دوکاندارانو د کمیټۍ یو غړي حاجي انور حسین خبري غونډې ته وویل چې له اتو کالو په تمه دي او اوس یې معاوضې راغلې دي خو بیا یې هم حکومت نه ورکوي.
د بنو د بکاخیل تحصیل اوسیدونکي وايي چې دغلته موندل شوی ګیس دې حکومت لومړی ځايي خلکو ته ورکړي، بیا وروسته دې پنجاب او د ملک نورو برخو له ولېږدوي. دوی د جنورۍ په ۱۳مه په همدې اړه په بکاخېلو کې لاریون او مظاهره هم وکړه. حکومتي چاروا
د خیبر پښتونخوا پولیسو د جنورۍ اوومې پر ماخوستن پر خپله رسمي ټوېټر پاڼه په بیان کې لیکلي دي چې د وژل شوي سرتېري په جنازه کې د سیمې د پولیسو او امنیتي ځواکونو لوړپوړو افسرانو ګډون وکړ.
دغه افسر مشال راډیو ته وویل، د پټو استخباراتي معلوماتو ترلاسه کولو وروسته، د امنیتي سرتېرو په عملیاتو کې وسله والو ته مرګ ژوبله واوښته. وژل شوی قوماندان د اعظم وارسک سیمې تورحافظ ښودل کېږي.
د شمالي وزیرستان په ګډون د خیبر پښتونخوا په زیاتره قبایلي ضلعو له کلونو راهیسې بد امني روانه ده خو په دې وروستیو کې د وسله والو بریدونه زیات شوي دي.
د جانيخېلو پولیس تاڼې یو چارواکي چې نه یې غوښتل نوم یې خپور شي، مشال راډيو ته وويل چې د اختر محمد ګروپ وسله والو پر اسحاق ګروپ برید وکړ او نښته ونښته.
په بنو کې د پولیسو د ترهګرۍ ضد څانګې (سي ټي ډي) په مرکز کې د وسلوالو پرضد د عملیاتو تر ختمېدو وروسته پولیس سرتېري پر سړکونو پهره کوي او ځايي کاروباریان وايي چې له چاوڼۍ سره نېږدې دوکانونه تړلي دي. پوځ وايي، په مرکز کې یې ۲۵ وسلوال وژلي او اووه ورته تسلیم شوي دي. ویډیويي رپورټ.
چارواکو تر دې مخکې د مرګژوبلې په اړه ضد و نقیض معلومات ورکړي ول. تحريک طالبان پاکستان (ټي ټي پي) د ډېسېمبر پر ۲۰مه شپې ناوخته رسنیو ته په استولي بیان کې ویلي دي چې له خپلو وسلوالو سره یې شپې اته بجې رابطه پرې شوه.
د خیبر پښتونخوا په بنو کې د پولیسو د ترهګرۍ ضد څانګې (سي ټي ډي) په مرکز کې د وسلوالو ضد عملیات روان دي او امنیتي ځواکونو سیمه کلابنده کړې ده. هلته تحریک طالبان پاکستان د ډېسېمبر پر ۱۹مه ویلي چې په مرکز کې یې زیاتره کسان ملګري دي او د وتلو محفوظه لاره غواړي. ویډیويي رپورټ.
دا په داسې حال کې ده چې د ډېسېمبر پر ۱۴مه هم په میرامشا کې پر پوځي کاروان په ځانمرګي برید کې یو سرتېری او یو ولسي وګړی ووژل شول او د څلورو سرتېرو په ګډون ۱۵ کسان ژوبل شول.
په میرامشاه کې د پولیسو تاڼې او انتظامي چارواکي د نوم نه خپرولو په شرط مشال راډيو ته وويل چې دا هدفي برید د ډېسېمبر پر ۱۶مه ناوخته شوی دی.
د میرامشا حمزه داوړ مشال راډیو ته وايي، سید افضل به هر سهار خپل زوی ښوونځي ته بیوه او بیا به یې ماسپښین مهال کور ته رساوه. "بچی یې په سکول کې په انتظار وو چې بابا به راځي خو بابا رانغی او بابا یې دلته په خودکش حمله کې همېشه لپاره له دې دنیا څخه ولاړ.
په شمالي وزیرستان کې د ډېسېمبر ۱۴مې له حملې سره پر امنیتي ځواکونو د سږنیو ځانمرګو بریدونو شمېر اته ته ورسېد. په وروستیو کې په شمالي وزیرستان، بنو او لکي مروت کې پر پولیسو او امنیتي ځواکونو وسلوال بریدونه زیات شوي دي.
نور وښیئ
