ایوب ترین په کوټه کې د مشال راډیو خبریال دی چې د بلوچستان د پښتون مېشتو سیمو ترڅنګ د هغې صوبې پر سیاسي، امنیتي او ټولنیزو چارو رپورټونه جوړوي.
د بلوچستان حکومتي چارواکي اعتراض لري چې مرکز نه یادې صوبې ته په اېن اېف سي ایوارډ کې خپله ونډه ورکوي او نه هم د سېلاب ځپلو د بحالۍ لپاره اعلان شوې پیسې ورته سپارلې دي.
د مظاهرې ګډونوال او د بلوچستان د سرکاري سکولونو د استادانو د اتحادیې مشر عنایت الله کاکړ مشال راډیو ته وویل چې د وفاق په ګډون نورو ټولو صوبو خپلو استادانو ته ترقي ورکړې خو د بلوچستان حکومت یې ځنډوي.
د اوړو مېلونو ټولنې مشر عاصم رضا د مې پر ۲۷مه په کوټه کې خبري غونډې ته وویل د پاکستان د اوړو ۷۰ سلنه اړتیا له پنجابه پوره کېږي خو له هغه ځایه نورو صوبو ته د غنمو پر لېږد بندیز دي.
د بلوچستان هرنايي ضلعې خوست (کوسټ) تحصیل په زردالو سیمه کې ځمکلاندې بم په چاودنه کې دوه کسان وژل شوي او شپږ ژوبل دي. د پېښې ذمه واري چا نه ده منلې.
شمبې د مې پر ۲۳مه په کوټه کې د بلوچستان د کورنیو چارو له وزیر ضیا الله لانګو سره ګډې خبري غونډې ته په وینا کې پر وسلوالو ډلو غږ وکړ چې د جګړې پر ځای دې له قانوني او اییني لارو د بلوچستان د حقونو لپاره مبارزه وکړي.
د مې پر ۲۱مه د جماعت اسلامي په اعلان د ژوب ښار په بازار کې کاربندیز وو او د یوشمېر سیاسي ګوندونو غړو او مشرانو، سوداګرو ټرانسپورټرانو پر سید شمس الدین شهید څلورلاره د مې ۱۹مې پېښې پرضد مظاهره وکړه.
د سیمې اوسېدونکي او چارواکي وايي، چاودنه د مې ۱۹مې پر مازیګر پر داسې وخت شوې چې د جماعت اسلامي مشر سراج الحق د هغه ښار په ظریف شهید پارک کې یوې جلسې ته د وینا لپاره ورروان وو.
په پاکستان کې د ښځو د حقونو لپاره کارکونکي سازمان عورت فاونډېشن بلوچستان په وروستي خپاره کړي راپور کې ویلي پر ښځو د تشدد په پېښو کې له ۳۰۰ زیاتې ښځې وژل شوي او ځینې نورې ژوبل شوي دي
د پوهنتون ښوونکي او نور کارکوونکي له تېرو دوو مياشتو راهيسې پر احتجاج ول چې له کبله يې هلته د زدکړو لړۍ په ټپه درېدلې وه.
تر دې پېښو يوه ورځ وړاندې د اپرېل پر ۱۰مه په کوټه کې غبرګو بمي چاودنو د دوو پوليسانو په ګډون څلور کسان ووژل او ۲۳ نور يې ژوبل کړل.
د خیبر پښتونخوا په څېر په بلوچستان کې هم په دې وروستيو کې ناامني زیاته شوې ده. د اپرېل پر نهمه د صوبې په کچلاغ سيمه کې له وسلوالو سره په نښته کې دوه پولیسان او یو وسلوال وژل شوی وو.
د شېراني انتظامي مشر حضرت ولي کاکړ د اپرېل پر دویمه شپې مهال تر لارې خلاصېدو وروسته مشال راډیو ته وویل چې اغېزمنې سیمې ته یې لوی مشینونه وروړي ول.
اخوا د ورکو بلوڅانو د موندلو لپاره مبارزه کوونکی سازمان (وایس فار بلوڅ مېسېنګ پرسنز) دعوه کوي چې پولیسو د ماهل بلوڅې ویډیويي بیان د "ټوپک تر سیوري لاندې" اخیستی دی. د فبرورۍ پر ۱۷مه د ماهل بلوڅې ګرفتارۍ په بلوچستان او کراچۍ کې پراخې مظاهرې پارولې وې.
پښتین د مارچ پر ۱۹مه د بلوچستان په بوري (لورالايي) کې له زندانه د غورځنګ د مخکښ مشر او د قامي اسمبلۍ غړي علي وزیر د خوشې کېدو په مناسبت جلسې ته په وینا کې زیاتې شوې ناامنۍ ته په اشاره دعوه وکړه چې په سیمه کې "یو ځل بیا د جګړې لپاره د پښتنو خاوره کارول" کېږي.
د ژوب تحصیلدار سهېل احمد وايي ځايي انتظامیه به د جمعې پر ورځ له مظاهرچیانو سره خبرې کوي او د حملې پلټنې پېل شوې دي
د کوټې د سېول روغتون ویاند ډاکټر وسيم بېګ مشال راډیو ته ويلي چې د کور د ګېس پايپ څخه ګېس خور شوی دی چې په نتیجه کې چاودنه شوې ده.
د سيوۍ د پوليسو مشر يوسف کريم بنګړ هم خبريالانو ته ويلي چې د پوليسو پر لارۍ چاودنه د کبړي پل سره نېزدې شوې ده.
نور وښیئ
