د سیند صوبې په کراچۍ کې د لادرکه شیعه ګانو د موندلو لپاره کارکوونکې کمېټې غړی وژل شوی دی.
د کراچۍ پولیسو رسنیو ته په لېږلي بيان کې ويليچې د مارچ په ۱۲مه د ښار په ایف بي ایریا کې، پر موټر سایکل سپرو کسانو په سلمان حېدر نومې تن د هغه د کور مخې ته ډزې وکړې او په تېښه بریالي شول.
پولیسو د نا معلومو کسانو پر ضد مقدمه درج کړې او د پېښې پلټنې یې پیل کړي دي.
بلخوا د مجلس وحدت المسلمین په یو بیان کې د سلمان حیدر وژنه په کلکو ټکو غندلې او ویلي یې دي چې دا د کراچۍ ښار د امن خرابولو هڅه ده. دوی زیاته کړې چې دا پېښه د قانون نافذوونکیو ادارو کارکردګي تر پوښتنو لاندې راولي.
تر اوسه کومې وسله والې ډلې د سلمان حېدر د وژنې زمه واري نه ده اخیستې.
