د افغانستان کرکټ ملي لوبډلې په دوبۍ کې د اکتوبر پر ۲۰مه د شل اورونو نړیوال جام ته د تیارۍ لوبه کې ویسټ انډیز د ۵۶ منډو په توپیر مات کړ.
دا راز نن د اکتوبر پر ۲۱مه به یوه سیالۍ کې د بنګله دیش او پاپوا نیو ګیني ترمینځ او دویمه د عمان او سکاټلېنډ ترمینځ کېږي.
دا سیالۍ چې د اکتوبر پر ۱۷ مه پیل شوي پکې د پاکستان او افغانستان په شمول ۱۶ لوبډلې برخه اخلي.
پاکستان به خپله لومړۍ لوبه د اکتوبر پر ۲۴مه د هند په وړاندې کوي او افغانستان خپله لومړۍ سیالي د اکتوبر پر ۲۵مه کوي.
دا لوبې په متحد عربي امارات او عمان کې ترسره کېږي او پایلوبه به د نومبر پر ۱۴مه وي.
د شل اورونو نړیوال جام لومړی پړاو لوبې د یکشنبې په ورځ پیل شوې چې د دې مرحلې له اتو لوبډلو به څلور دوهم پړاو ته لاره کوي او بیا به د افغانستان په ګډون سر له شنبې له اتو نورو ټیمونو سره په دوو ګروپونو کې سیالۍ سره کوي.
