د پاکستان هوايي چلند ادارې هغه ۲۶۲ پایلټان معطل کړي دي چې خپل لایسنسونه یې په دهوکه یا جعل سازۍ تر لاسه کړي وو.
د هوايي چلند وفاقي وزیر غلام سرور خان د جون پر ۲۶مه وویل چې د پایلټانو پرضد پلټنې روانې دي او د درې لوړو پوړو چارواکیو پرضد به قانوني کاروایي کېږي.
په دوی کې ۱۴۱ پایلټانو د پاکستان سرکاري هوايي شرکت (پي اې ای) لپاره کار کاوه او پاتې نور د شخصي هوايي شرکتونو ملازمین وو.
د پایلټانو جعلي لایسنسونو معامله هغه وخت رامنځ ته شوه، کله چې د مې پر ۲۲مه په کراچۍ کې د پي اې ای د یوې الوتکې راغورځیدو د پیښې پلټنې کېدای.
په دغه پېښه کې د عملې په ګډون ۹۷ کسان مړه شوي وو.
