پراګ ـ په باجوړ کې د جمعیت علما اسلام ف د وژل شوي د تحصیل مشر مفتي سلطان محمد د جنازې مراسم نن د اکتوبر پر ۲۹مه په واړه ماموند بدان کلي کې ترسره شول چې پکې ګڼو خلکو ګډون وکړ.
مفتي سلطان محمد په ۱۹۸۱ز کې د باجوړ په بدان کلي کې د حاجي نازبین خان کره پیدا شوی و. هغه لومړنی زده کړې په خپل کلي او لوړې زده کړې یې د اکوړي په حقانیه مدرسه کې کړې وې. نوموړي ترمنځنۍ درجې ښونځې هم ویلی و.
مفتي سلطان محمد د ۲۰۱۹م د خېبر پښتونخوا د اسمبلۍ په انتخاباتو کې د کاندید په حېث برخه اخیستې وه او ۹۲۲۵ رایې یې اخیستی وې.
پر نوموړي د اکتوبر په ۲۸مه وسله والو هغه مهال ډزې کړې وې چې له کوره جومات ته روان و. هغه لومړی زخمي و چې بیا وروسته په د پېښور په یو روغتون کې یې ساه ورکړه.
د مفتي سلطان محمد د ژوند او کار په اړه ظفرخان په باجوړ کې د ځایي خبریال او د مفتي سلطان محمد له یو ملګري مفتي بلال یاسر سره مرکه کړې.
