پراګ- د کوټې ښار په مرکز باچا خان چوک ته څېرمه د اګست پر شپږمه ماښام یوې چاودنې یو تن وژلی او تر ۱۳ زیات ژوبل دي.
د بلوچستان د پولیسو په وینا، چاودنه هله وشوه کله چې په یوه مارکیټ کې د اختر لپاره خلک سوداګانې کولې.
روغتیايي چارواکي وايي، تر اوسه د پېښې له ځایه د یو تن مړی او ۱۳ کسان روغتون ته رسول شوي.
تر چاودنې وروسته پولیس د پېښې ځای ته رسېدلي او هلته یې شاوخوا سیمه نیولې ده او د پېښې پلټنې یې پیل کړي دي.
هېچا هم د دغه پېښې ذمه داري پر غاړه نه ده اخیستې.
د بلوچستان پولیسو مشر عبد الرزاق په وینا چې د لومړنۍ پلټنو داسې ښکاري چې د مارکیټ په یوه دوکان کې باروت اېښودل شوی ول او چاودنه یې وکړه.
د یادونې وړده چې یوه اوونۍ مخکې د کوټې په لیاقت بازار کې د سټي تاڼې مخې ته د پولیسو پر یو موټر چاودنه شوې وه چې له کبله یې پنځه تنه وژل شوي ول او تر۳۰ زیات ژوبل شوي ول.
