پراګ - په پاکستان کې میلیونونه خلکو د قامي او صوبايي اسمبلیو د استازو ټاکلو لپاره خپلې رایې وکارولې.
هلته په کوټه کې پر مشرقي بایپاس سړک له یوه سکول سره نېږدې ځانمرګی برید وشو چې پکې لږ تر لږه ۳۱ کسان وژل شوي او ۳۵ ژوبل دي.
د پاکستان انتخاباتي کمېشن تر دې پېښې وروسته په سیمه کې د ووټ اچولو عمل درولی وو چې شاوخوا دوه ساعته وروسته بحال شو.
لسګونه لاکه کسان ووټ اچوي
د پاکستان د انتخاباتو په اړه د مشال راډیو ژوندي معلومات به د شپې مهال او د جولای پر ۲۶مه هم درسره شریکوو.
شمالي وزيرستان: د قامي اسمبلۍ د ۴۸ مې حلقې د نا رسمي او غېر حتمي نتيجو له مخې ازاد کانديد محسن داوړ د ۱۰۱۰۰ووټونو په ترلاسه کولو سره په وړومبي نمبر دی او د جميعت العلما اسلام مولانه مصباح الدين په دوايم نمبر دی.
