د ((سندرې جادوګرې)) خپرونې پاڼې ته ښه راغلاست.
د دې اوونۍ په خپرونه کې د نوميالي سارينده غږوونکي او موسيقار منير سرحدي د ژوند او هنر په اړه لنډ معلومات او هغه غږولې نغمې اورئ.
د منير سرحدي زوی اعجاز سرحدي وايي، پلار يې د هند پشمول يو شمېر هېوادونو ته هنري سفرونه کړي او جايزې او انعامونه يې ګټلي دي.
اعجاز سرحدي، چې دا مهال په پېښور کې د ساريندې يوازينی غږوونکی دی، پر حکومت غږ کوي چې د دې ساز د ژوندي ساتلو لپاره کار وکړي.
د منير سرحدي د هنر او شخصيت په اړه د هغه د زوی تر څنګ د پېښور ټيلي ويژن د يوه پخواني افسر خبرې او د سرحدي د ساريندې نغمې د غږ په ځای کې اورېدای شئ.
