د اېف سي ار او پښتانه خپرونې پاڼې ته ښه راغلاست. د ځانګړو خپرونو د دې لړۍ په دوولسمه (وروستۍ) برخه کې د فاټا راتلونکې انتظامي حېثيت ته کتنه شوې ده. په فاټا کې د اصلاحاتو او د دې سيمې د اييني حېثيت ټاکلو لپاره د پاکستان وزيراعظم نواز شريف يوه کمېټۍ جوړه کړې ده. يادې کمېټۍ د قبايلي سيمو تر سفرونو وروسته خپلو سپارښتنو ته وروستۍ بڼه ورکړې او ډېر ژر به يې وزيراعظم ته وسپاري. بلخوا د فاټا پارليماني غړو هم د قبايلي سيمو په خېبر پښتونخوا کې د ګډولو لپاره په قومي اسمبلۍ سېکريټرېټ کې يو بِل جمع کړی دی. ((اېف سي ار او پښتانه)) نننۍ خپرونه کې د پارليماني کمېټۍ رول او د فاټا پر راتلونکې انتظامي حېثيت بحث شوی دی. خپرونه د غږ (ږغ) په ځای کې اورېدای شئ.
