د سندرو امېل خپرونې پاڼې ته راغلاست.
په نننۍ خپرونه کې د ملاکنډ سندرغاړي، لیکوال او فعال امجد شهزاد نوي البم (د امن وزر) په اړه غږېدلي یو. شهزاد وايي، په نوي البم کې یې غزلونه او سندرې دي.
د ده په خبره، البم یې پر انټرنیټ خپور کړی.
شهزاد وايي، موسیقي یې د روزګار وسیله نه ده بلکې دا یې شوق او یو ډول مشن یا دنده ده چې له دې لارې غواړي ولس ته شعور ورکړي.
په پاکستان کې د نشر حقونو یا کاپي رایټس پر قانون د عمل نه کېدو له کبله د ډېرو موسیقارانو او سندرغاړو هنري کارونه اغېزمن شوي دي. امجد شهزاد وايي، دا د ټولو هنرمندانو، ټولنو، شاعرانو او پوهانو دنده ده چې داسې یو حل راوباسي چې د هنرمندانو پنځونې یا تخلیقات په ناقانونه ډول خپاره نشي.
له نوموړي سره نورې خبرې او د هغه نوي البم سندرې په سندرو امېل کې درخپروو.
خپرونه د غږ (ږغ) په ځای کې اورېدای شئ.
