د سندرو امېل خپرونې پاڼې ته ښه راغلاست.
په نننۍ خپرونه کې مو د خیبر پښتونخوا له یوه تعلیم یافته زلمي بلال خان بلال سره خبرې کړې دي.
د بلال کمال دا دی چې د موسیقۍ له رسمي زده کړو بغیر یې رباب زده کړی دی او غږوي یې.
بلال تر اوسه په سټوډیو کې سندرې نه دي ثبتې (رېکارډ) کړې او یوازې یې د فېسبوک پر پاڼه له خپلو ملګرو سره شریکوي.
دی وايي، د رباب نومیالي استاد همایون سخي نغمې به یې اورېدې او له هم هغې یې زده کړه کړې ده.
دی په ملاکنډ پوهنتون کې زده کړې کوي او د تاڼې دی.
بلال وايي، پلار ورته غوسه کېږي خو وروڼه یې ملاتړ کوي.
د ده په خبره، له ملګرو سره کښېني، یو یې غزلې وايي او بل ورسره ګېټار غږوي.
له بلال سره نورې خبرې هم شوې دي او د ده نغمې هم د خپرونې برخه دي.
د سندرو امېل خپرونه د غږ (ږغ) په ځای کې اورېدای شئ.
