د ننګرهار د ملي امنيت په کوښښونو يو تن اوه کلن ماشوم د سړي تښتوونکو له منګولو څخه ازاد کړی شو چې په تړاو يې دوه تنه مجرمان نيول شوي او د قانون منګولو ته سپارل شوي.
يو تن اوه کلن ماشوم چې د جلال اباد ښار د يوه خصوصي ښوونځي په لومړي ټولګي کې يې زده کړه کوله، کابو څلويښت ورځې وړاندې تښتول شوی و چې تيره شپه د ننګرهار د ملي امنيت په هڅو د تښتوونکو له منګولو څخه ازاد کړی شو او دوه تنه مجرمان يې د قانون منګولو ته وسپارل شول.د ننګرهار ولايت سرپرست محمد حنيف ګرديوال چې د چارشنبې په ورځ ازاد کړی شوی ماشوم خپل پلار ته د سپارلو پر مهال خبريالانو ته وويل:
د ننګرهار د ملي امنيت په کوښښونو يو تن اوه کلن ماشوم د سړي تښتوونکو له منګولو څخه ازاد کړی شو چې په تړاو يې دوه تنه مجرمان نيول شوي او د قانون منګولو ته سپارل شوي
د ازاد کړی شوي ماشوم پلار فرهاد وايي چې سړي تښتوونکو ترينه د زوی د خوشي کيدو په بدل کې پيسې هم اخيستې وې خو بيا يې هم ماشوم له ځانه سره ساتلی و.
د ننګرهار د ملي امنيت په کوښښونو يو تن اوه کلن ماشوم د سړي تښتوونکو له منګولو څخه ازاد کړی شو چې په تړاو يې دوه تنه مجرمان نيول شوي او د قانون منګولو ته سپارل شوي
په ننګرهار کې اکثره خلک په دې نظر دي سړي تښتوونکو ته سزا نه ورکول کيږي او په سفارش بيرته خوشي کيږي، خو د ننګرهار سرپرست والي محمد حنيف ګرديوال وايي چې هر هغه څوک چې د سړي تښتوونکو سفارش ورکړي، دوی به هماغه د يوه مجرم په توګه د قانون منګلو ته سپاري.
(( چا چې د اختطاف چيانو او د دغه قانون خلاف ورزي چې څوک کوي، او د دوی سپارښتنې چې چا کولې موږ ته په لومړي قدم کې همغه مجرم دی.))
دی وايي چې د ننګرهار امنيتي ادارو د جرمونو په وړاندې خپل هڅې توندې کړي چې په تيرو څو ورځو کې يې ۱۳ تنه سړي تښتوونکي نيولې چې ډيرو يې په خپل جرمونه هم منلي دي.
