Türkmenistanyň prezidenti Serdar Berdimuhamedow Täjigistana iş saparyna baryp, Duşenbede Täjigistanyň prezidenti Emomali Rahmon bilen ikitaraplaýyn duşuşyk geçirdi.
Türkmen prezidenti şu gezekki saparynyň iki ýurduň arasyndaky dostlukly gatnaşyklary has-da pugtalandyrjakdygyny aýtdy.
Prezidentler sebit howpsuzlygy we daşky gurşawy goramak ulgamynda Merkezi Aziýa ýurtlarynyň arasyndaky hyzmatdaşlyk barada pikir alyşdylar.
Söwda-ykdysady hyzmatdaşlyk ikitaraplaýyn gatnaşyklaryň ileri tutulýan ugurlarynyň biri bolup durýar diýip, TDH ýazýar. Taraplar iki ýurduň bu ulgamdaky mümkinçiliklerini doly derejede peýdalanmak, özara haryt dolanşygynyň möçberlerini artdyrmak hem-de ykdysady gatnaşyklary diwersifikasiýalaşdyrmak üçin zerur çäreleri durmuşa geçirmegiň maksadalaýyk boljakdygyny bellediler.
Bu sapar Duşenbede "Merkezi Aziýa - Russiýa" sammitiniň we GDA ýurtlarynyň döwlet baştutanlarynyň Geňeşiniň mejlisiniň geçirilýän wagtyna gabat geldi.
Serdar Berdimuhamedow günüň ikinji ýarymynda “Merkezi Aziýa – Russiýa” ikinji sammitiniň geçirilýän ýerine bardy diýip, TDH ýazýar.