Мақомот дар ғарби Туркманистон ба ҳунармандон дастур додаанд, ки агар майли ширкат дар чорабиниҳои Рӯзи истиқлол доранд, бояд вазн гум карда, намуди зоҳирии худро ба тартиб биоранд.
Бар асари ҳамлаҳо ба шаҳри Киев чандин кас куштаву дафтари Радиои Озодӣ осеб дид; Тоҷикистон мегӯяд, масъули ҳамла ба афсарон дар Маскав зодаи Тоҷикистон нест; модар ба ҳимоят аз духтаронаш бархостааст ва матолиби дигар.
Дар ҳамлаи густардаи Русия ба пойтахти Украина, ки даҳҳо нафарро кушту захмӣ кард, дафтари Радиои Аврупои Озод/Радиои Озодӣ низ зарар дидааст. Ҳодиса субҳи 28-уми август рӯй дод. Кормандони Радиои Озодӣ дар Киев осеб надидаанд, вале чанд тиреза шикаставу баъзе таҷҳизот хароб шудааст.
Зодаи Тоҷикистонро барои кордкашӣ ба пулиси Русия дастгир кардаанд; Раҳмон аз мақомот хостааст, барои Роғун ҳарчӣ зудтар пул ёбанд; Бо вуҷуди марги ду нафар аз гуноҳи ҷияни Рамзaн Қодиров “гузаштанд”; Дар Қирғизистон масъалаи “чойпулӣ” ба табибон ҷанҷолӣ шуд.
Эмомалӣ Раҳмон, раисҷумҳури Тоҷикистон, рӯзи 27-уми август аз мақомот хостааст, ки талошҳоро барои ҷалби сармоя ба сохтмони нерӯгоҳи “Роғун” суръат бахшанд, чун ақиб мондани кор дар як бахш метавонад, иҷрои тамоми тарҳро ба таъхир андозад.
Ёсин Закриев, хоҳарзодаи раҳбари ҷумҳурии Чеченистони Русия, ки сабабгори як садамаи маргбор дар Грозний мебошад, аз ҷавобгарӣ халос шудааст. Маркази “Мемориал” аз қавли гурӯҳҳои мухолифи ҳукумати Чеченистон навишт, ки Закриев вазифаи раиси Палатаи ҳисоби ин ҷумҳурии Қафқози шимолиро бар уҳда дорад.
Дар Қирғизистон як пешниҳод дар бораи “чойпулии қонунӣ” ба табибон баҳси зиёд барангехт. Яке аз вазирон гуфт, азбаски мардум ба табибон барои муолиҷа чойпулӣ медиҳанд, чаро онро қонунӣ накунанд. Ин кор дар асл ғайриқонунист ва ба навъе ришва ба ҳисоб меравад, ки барои он ҷазо таъйин шудааст.
Дабири кулли Созмони Милали Муттаҳид ҳамлаи маргбори Исроилро ба як шифохона дар шаҳри Хон Юнус дар Навори Ғазза сахт маҳкум кардааст. Дафтари нахуствазири Исроил Бенямин Нетаняҳу ҳамларо як “ҳодисаи ғамангез” номида, гуфтааст, ки сабабҳои онро таҳқиқ мекунанд.
Тоҷикистон, ки аз соли 2015 барои пайвастан ба Иттиҳоди иқтисодии АвруОсиё (ЕАЭС) шитоб надошт, акнун гурӯҳи корӣ таъсис додааст. Аъзои гурӯҳ фоида ва зиёни шомил шудан ё нашудани Душанберо ба ин ниҳоди зери нуфузи Русия арзёбӣ мекунанд.
Мардуми осебдида аз заминларзаи водии Рашт соҳиби хонаи нав шуданд, СММ куштори мардуми осоишта дар Ғаззаро маҳкум кард, ҳодисаҳои барқдуздӣ дар вилояти Суғд ва баҳси узвияти Тоҷикистон дар Иттиҳоди АвруОсиё дар арафаи сафари Путин ба Душанбе.
Ҳодисаҳои дуздии нерӯйи барқ дар вилояти Суғд таҳқиқ мешаванд.
Раҳбари Тотристони Русия маҳдуд намудани таҳсили фарзандони муҳоҷиронро дар мактабҳои Русия "қарори аҳмақона" мешуморад. Боз як фаъоли бадахшонӣ дар маҳбаси Тоҷикистон ба ҳалокат расидааст ва матолиби дигар.
Ёфтҳои бештар
