Осиёи Марказӣ

Деҳқонони узбек: Моро маҷбур карданд, ки заминро ба чиниҳо диҳем

"14-сола аст, вале ба ӯ банг дода, ба танфурӯшӣ маҷбур кардаанд"

Ғуломии шаҳвонӣ, латукӯб ва маҷбур кардан ба нашъамандӣ. Олтинойи 14-сола дар Қирғизистон чанд моҳ дар дасти даллаҳо чунин вазъ дошт. Ӯ дертар тавонист, аз дасти ин гурӯҳ гурезад, вале кӯшиш наздиконаш барои ба ҷавогарӣ кашидани онҳо ҳанӯз натиҷа надодааст.

Аз Boeing то Airbus. Раҳбарони Осиёи Марказӣ бо чӣ парвоз мекунанд?

Барои ҳавопаймои президенти Тоҷикистон (Boeing 787-800 Dreamliner) дар Фурудгоҳи Байнулмилалии Душанбе ангар ё ҷойи нигаҳдорӣ сохтанд, аммо арзиши онро нагуфтанд.

Русия, "Толибон" ва рӯйхати сиёҳ. Тасмими Тоҷикистон чӣ хоҳад буд?

Додгоҳи олии Русия 17 апрел тасмим мегирад, ки “Толибон”-ро аз рӯйхати созмонҳои террористӣ берун кунад ё на. Агар посух мусбат шавад, пас, Тоҷикистон аз кишварҳои камшуморе дар Осиёи Марказӣ ва миёни шариконаш дар созмонҳои минтақаӣ хоҳад буд, ки ин гурӯҳро ҳамоно дар “рӯйхати сиёҳ” нигоҳ медорад.

"Латукӯб ва таҳқир карданд." Вокуниши Қирғизистон ба боздошти гурӯҳии муҳоҷирон

Вазорати корҳои хориҷии Қирғизистон дар пайванд ба боздошти дастҷамъии муҳоҷирони қирғиз дар як ҳаммоми Маскав ба сафири Русия нота ё ёддошти эътирозӣ супурд. Вазорат тақозо кардааст, ки ҳуқуқи шаҳрвандони Қирғизистон дар Русия ҳифз гардад, то шарикии стратегии ду кишвар халалдор нашавад.

Мирзиёев Узбекистонро ба давраи Каримов бармегардонад?

Даҳ сол пеш, замони барҳаёт будани Ислом Каримов, раисҷумҳури пешини Узбекистон, барои як рӯзноманигори ғарбӣ навиштани китобе дар бораи ҷомеа ва режими сиёсии ин кишвар осон набуд. Аз ин рӯ, китоби “Сароби Абрешим”-и Ҷоанна Лиллис дастоварди “Узбекистони нав” дониста мешавад.

Мошинҳои Чин чӣ гуна бозори Осиёи Марказиро аз худ карданд?

Осиёи Марказӣ ба бозори муҳим ва макони мошинҳои истеҳсоли Чин табдил ёфтааст. Сокинон бо майли зиёд ин мошинҳои нисбатан дастрасро мехаранд ва ҳукумат ҳам талоши ҷалби миллардҳо доллар аз ширкатҳои чиниро дорад.

"Шурӯи фасли нав". Сарони Иттиҳоди Аврупо ва Осиёи Марказӣ чӣ гуфтанд?

"Ин шурӯи фасли нав дар дӯстии деринаи мост." Раиси Кумисюни Аврупо нишасти аввали сарони Осиёи Марказӣ ва Иттиҳоди Аврупоро дар шаҳри Самарқанд чунин хулоса кард. Нишаст дар рӯзҳои 3 ва 4-уми апрел гузашт.

Иттиҳоди Аврупо барои Тоҷикистон ва ҳамсояҳояш чӣ нақша дорад?

Шаҳри Самарқанд. Рӯзҳои 3 ва 4-уми апрел. Нишасти аввалини сарони Осиёи Марказӣ ва Иттиҳоди Аврупо. Бар асоси пешнависи ҳуҷҷате, ки Радиои Озодӣ дид, Аврупо сармоягузориҳои навро дар минтақа дар назар дорад ва ҳадафаш ҳарчи зичтар кардани робитаи Брюссел бо Тоҷикистон ва ҳамсояҳояш аст.

"Суботи водии Фарғона суботи Осиёи Миёна аст." Нишасти Раҳмон, Мирзиёев ва Ҷабборов

Раҳбарони Тоҷикистон, Қирғизистон ва Узбекистон, ки дар гузашта бар сари таъйини сарҳаду тақсими об баҳс доштанд, созишномаро дар бораи нуқтаи пайванди марзҳои се кишвар имзо карданд. Маросим рӯзи 31-уми март дар вилояти Суғд гузашт.

"Шоҳроҳи президентӣ моро аз хонаву ҳавлӣ маҳрум мекунад"

Мақомот дар шаҳри Бишкек, пойтахти Қирғизистон, мехоҳанд сокинони як минтақаро аз хонаҳояшон берун карда, дар ҷойи ин маҳаллаи истиқоматӣ роҳ ё “шоҳроҳи президентӣ” созанд. Ин мушкил дар ҷараёни бунёди қасри нави президенти Қирғизистон пеш омад. Мардум норозӣ ҳастанд. Чаро?

The Economist: Сатҳи демократия дар Тоҷикистон боз поин рафтааст

Сатҳи демократия дар Тоҷикистон дар соли 2024 қариб як зина поин рафтааст. Радабандии навро таҳлилгарони The Economist Intelligence Unit, яке аз шохаҳои пажӯҳишии маҷаллаи бритониёии “Экономист”, тартиб доданд.