Ҷанги дохилӣ дар Тоҷикистон журналистони тоҷикро дар вазъи танге қарор дод. Онҳо ҳанӯз аз озодии матбуот ба таври пурра ва дуруст баҳравар нагашта, ҳанӯз ҳарду дами шамшери озодии баёнро нашинохта, барояшон зарур омад, ба ҳалли масъалаҳои сахте, ки ба ҳаёту мамоти инсонҳо ва худашон дахл доранд, машғул шаванд. Таҳлилгарон менависанд, ки дар ин давра онҳо ба се гурӯҳ ҷудо шуданд. Аввалан, онҳое ки ихтиёрӣ ва ё маҷбуран ба ин ё он тарафи моҷаро пайваст. Дуюм, касоне ки кӯшиш кард, бо фаъолияти худ аз густариши хунрезӣ дар кишвари худ пешгирӣ кунад. Ва сеюм, онҳое ки канора ҷустанд, то боду борон бигзарад.
