Аз соли 2015 хабарнигори Радиои Озодӣ дар минтақаи Кӯлоб. Рӯзноманигориро соли 2009, замони донишҷӯйӣ, оғоз кардааст. Хабарнигори нашрияи мустақили "Пажвок" ва намояндаи ҳафтаномаи "Фараж" дар Кӯлоб буд.
Шаҳрдории Кӯлоб ба тахриби бинои ширкати "Чакан" оғоз кардааст, ки дар дохили Боғи фарҳангу фароғати ин шаҳр воқеъ аст. Зариф Валиев, раиси ширкати “Чакан”, ки шоҳиди вайрон кардани корхонааш буд, гуфт, ба ӯ фурсат надоданд, то ҷойи дигаре барои корхона пайдо кунад.
Шаҳрдории Кӯлоб ба вайрон кардани бинои ширкати “Чакан” дар дохили Боғи фарҳангу фароғати шаҳр оғоз кард. Дар ҷойи ин ширкат ба гуфтаи мақомот Нишони Тоҷикистон қомат меафрозад.
Таркиши як снаряди пойгоҳи 201-и Русия дар шаҳри Кӯлоб ҳафт сол пеш Акмал Исроиловро аз биноӣ маҳрум кард ва ҳоло ин фоҷиа мавзӯи тарона ва клипҳои ӯст. Акмал мегӯяд, то ҳол натавонистааст ин таркишро аз ёд барад.
Урунбой Тӯрдиев, як сокини Кӯлоб, мегӯяд, шоҳиди чӣ гуна ба истиқлол расидани Тоҷикистон буд ва он рӯзҳоро наметавонад ба осонӣ фаромӯш кунад. Ӯ гуфт, ҳарчанд рӯзҳои аввали ба истиқлол расидани Тоҷикистон вазнин буд, "ҳоло сокинон роҳи зиндагии худро ёфтаанд". Тӯрдиев ба ошпазӣ машғул аст.
Сохтмони қароргоҳи раиси ҷумҳури Тоҷикистон дар ҷамоати Чорбоғи Кӯлоб тақрибан ниҳоӣ шудааст ва бояд то охири сентябр ба истифода дода шавад. Ин бӯстонсаро дар масоҳати 25 гектар ва бо ризояти Дирексияи сохтмони дастгоҳи иҷроияи президент бунёд мешавад.
Як сокини Восеъ пас аз он, ки натавонист 6 ҳазор доллар пасандозашро аз "Тоҷикистодиротбонк" бозпас бигирад, хост ҳудуди 35 дарсади ин маблағро барои қарзи як муйсафеди ҳамдеҳааш бахшад, аммо масъулони бонк ин пешниҳодро қабул накарданд.
Тафтиши парвандаи ҷиноии як гурӯҳи 7-нафарии сокини Кӯлоб, ки барои дуздии чорвои мардум айбдор мешаванд, ба охир расида ва ба додгоҳ рафтааст. Ин гурӯҳ барои дуздии 26 сар чорвои сокинон муттаҳам шудаанд.
Дар растаи пурсарусадои оҳангарӣ ва тунукасозӣ дар назди бозори Кӯлоб аксаран ҷавонон кор мекунанд, ҳарчанд оҳангариро касби калонсолон мешуморанд. Аммо эҳтиёҷи доимӣ ба кори онҳо ва ҳамеша будани муштарӣ сабаб шудааст, ҷавонон ҳам ин пешаро ихтиёр кунанд.
Дар ҳодисаи таркиши снаряд дар рустои Зуломободи ноҳияи Шамсиддини Шоҳин (Шӯроободи собиқ) як нафар ҳалок шуда, ду тани дигар бо захмҳои шадид ба бемористон интиқол ёфтаанд. Пизишкон мегӯянд, вазъи саломати яке аз беморон нигаронкунанда аст.
Ба Боғи ҳайвонот, ки дар майдони якунимгектарӣ сохта мешавад, аввал ҷонварони алафхӯру парранда, аз қабили харгӯшу мурғобӣ ва товусро меоранд ва баъдан онро бо ҳайвоноти нодир ва бузург ба мисли хирс пур мекунанд.
Дар шаҳри Кӯлоб бинои кинотеатри боқимонда аз даврони Шӯравии собиқро вайрон карданд. Мақомоти Кӯлоб гуфтанд, ки дар ҷойи кинотеатри “Комсомол” пояи 50-метрии парчами миллии Тоҷикистон сохта хоҳад шуд.
Додгоҳи Фархори вилояти Хатлон ду сокини ин ноҳияро барои барангехтани кинаву адовати миллӣ, нажодӣ, маҳалгароӣ ё динӣ ва таблиғи ақидаҳои гуруҳи тундрави "Давлати исломӣ" ба 5-солии зиндон маҳкум кардааст.
Аввалин мусофироне, ки рӯзи 24 август тавассути роҳи оҳани нави Кӯлоб-Қӯрғонтеппа-Душанбе саёҳат мекунанд, 200 донишҷӯ аз шаҳри Кӯлоб хоҳанд буд.
Хадамоти беҳдоштӣ дар минтақаи Кӯлоб мушаххас кардааст, ки шаш узви хонаводаи Шариф Таваккалов, сокини деҳаи Навободи ҷамоати Кӯлоб бар асари доруи заҳрдори "фосфори органикӣ" заҳролуд шудаанд.
Намояндагии Вазорати меҳнат, муҳоҷират ва шуғли аҳолӣ дар минтақаи Кӯлоб барои бори аввал як гурӯҳи даҳ нафарии занони говҷӯш аз ин минтақаро ба шаҳри Ростови лаби Дон фиристодааст.
Дар ҳодисаи занозанӣ миёни сокинони ду деҳаи ноҳияи Данғара се нафар гунаҳгор дониста шуда ва ҳамакнун яке аз онҳо ба ҳабс гирифта шудааст.
Мақомоти Донишгоҳи давлатии Кӯлоб 38 устоди ин донишгоҳоро ба иллати ба гуфтаи онҳо "камсаводӣ" ва "тасодуфӣ" будан, аз кор барканор карданд. Ба гуфтаи масъулони донишгоҳ, санҷиши дониши устодон дар пайи шикояти донишҷӯён баргузор шуд.
Додситонии ноҳияи Шамсиддини Шоҳин дар робита ба ҳодисаи заҳролуд шудани хонандагони мактаби 3-и ин ноҳия, алайҳи мудири ин мактаб Амриддин Назаров ва як корманди корхонаи безараргардонии ҳашарот, парвандаи ҷиноятӣ боз кардааст.
Зоир Усмонови 31-соларо моҳи июн дар марзи Сурия ва Туркия дастгир кардаанд ва рӯзи 20-уми июл ба Душанбе овардаанд. Мақомот мегӯянд, Зоир як сол пеш ба сафи гурӯҳи ифротгарои "Давлати исломӣ" пайвастааст. Бародараш ба Радиои Озодӣ нақл кард, кӣ чӣ гуна Зоир ба Сурия рафтааст ва онҷо чӣ кор мекард.
Ёфтҳои бештар
